Joriy yil 25 yanvar kuni O'zbekiston banklari uyushmasida Respublika tijorat banklari o'rtasidagi tanlov nihoyasiga etdi.

Joriy yil 25 yanvar kuni O'zbekiston banklari uyushmasida Respublika tijorat banklari o'rtasida 2013 yil yakunlariga ko'ra aholi bo'sh pul mablag'larini banklardagi omonatlarga jalb qilish bo'yicha tanlov g'oliblarini taqdirlash marosimi bo'lib o’tdi.

Tanlov O'zbekiston Respublikasi Prezidentining 2008 yil 31 oktyabrdagi PQ-991 - sonli “Respublika tijorat banklari o'rtasida aholi bo'sh pul mablag'larini banklardagi omonatlarga jalb qilish bo'yicha tanlov o’tkazilishi haqida”gi Qaroriga muvofiq o’tkazildi.

Tanlov natijalariga ko'ra g'oliblar sakkizta asosiy va o'n bitta qo'shimcha nominatsiyalar bo'yicha aniqlandi.

"Aholi omonatlarini jalb qilish bo'yicha yilning eng yaxshi banki" nominatsiyasida  OATB "Qishloq qurilish bank"  uchinchi o’rinni egallab tanlov g'olibi sifatida e'tirof qilindi.

"Qishloq joylarda aholi omonatlarini jalb qilish bo'yicha yilning eng yaxshi mini-banki" nominatsiyasida uchinchi o'rinni - Qishloq qurilish bankning Sariosiyo filiali "Denov" mini-banki, "Qishloq joylarda aholi omonatlarini jalb qilish bo'yicha yilning eng yaxshi jamg'arma/maxsus kassasi" nominatsiyasida uchinchi o'rin - Qishloq qurilish bankning Yangiyer filiali 1-sonli jamg'arma kassasiga berildi.