Joriy yilning 19 may kuni poytaxtimizda VII Toshkent xalqaro investitsion-moliyaviy forumi o'z ishini boshladi.

Tadbir  “SAIPRO” Axborot-reyting agentligi tomonidan O'zbekiston Respublikasi Markaziy banki hamda  Bosh Arab sug'urta federatsiyasi hamkorligida tashkil etildi

 Ushbu forum so'nggi yillarda  nafaqat Markaziy Osiyo mintaqasi, balki global miqyosda soha mutaxassislari  muloqot qilib,  tajriba almashadigan  muhim interaktiv  maydonga  aylandi. Uning nufuzi esa yildan yilga oshib,  muhokama etiladigan masalalar va  mavzular  ko'lami  kengayib bormoqda.

Ushbu tadbirda 450 dan ziyod   vazirlik va idoralar, jamoat tashkilotlari, xalqaro moliya institutlari,  investitsion kompaniyalar, reyting agentliklari,   bank, lizing,  qimmatli qog'ozlar kabi moliya  bozori  mutaxassislari ishtirok etmoqda. Jahonning 25 davlatidan 100 dan ziyod xorijlik mutaxassis va ekspertlar bu yil ushbu  xalqaro forumda ishtirok etish istagini  bildirib, Toshkentga tashrif buyurishdi. 

Uning ochilish marosimida mamlakatda makroiqtisodiy barqarorlikni ta'minlash,  iqtisodiyot tarmoqlarini diversifikatsiyalash, amalga oshirilayotgan investitsion loyihalarga  xorij sarmoyalarini jalb qilish,    ishbilarmonlik muhitini yaxshilash maqsadida  ruhsat beruvchi  tartib taomillarni  soddalashtirish, hisobotlarni taqdim etish jarayonlarini soddalashtirish,  iqtisodiy va investitsion  jarayonlarda moliya-bank  sektorining ishtirokini  kengaytirish  mavzularida  ma'ruzalar tinglandi.

Manba: www.uzreport.uz