Aksiyadorlik tijorat Xalq bankining “Bankirlar trening maktabi”da bank Boshqaruvining qaroriga asosan kadrlar xizmati xodimlarining kasbiy malakasini oshirish maqsadida seminar-trening boshlandi.
Bank tizimida sog‘lom psixologik muhitni ta’minlanishining ijtimoiy psixologik shartlari, Xalq banki standartlari, Kadrlar modulida ishlash tartibi kabi mavzularda bo‘ladigan seminar-treninglarda Markaziy apparatining Kadrlar departamenti hamda hududiy filiallarning kadrlar bo‘limi xodimlari belgilangan reja-grafik asosida ishtirok etadi.
Seminar-treningda ishtirokchilarga Jamoa va rahbarlik madaniyati,  Konflikt va stressni boshqarish amaliy usullari, Mijozlarning e’tirozlari va shikoyatlarini ko‘rib chiqish texnikasi bo‘yicha amaliy tavsiyalar berilmoqda.
Mashg‘ulotlarni “O‘zingni angla” psixologik xizmat ko‘rsatish markazi psixologi N. Shomurotova olib bormoqda.