Kapitalbank 2024-yil uchun moliyaviy hisobotni e'lon qildi.

Bankning aktivlari 13,4% ga o'sdi, sof foyda 2024-yil oxiriga qadar 1 807,8 milliard so'mni tashkil etdi.

2024-yilning yakunlariga ko'ra, Kapitalbank depozitlar bozorida o'z pozitsiyalarini mustahkamladı. Shunday qilib, bir yil ichida jismoniy shaxslar depozitlari hajmi 37,2% ga o'sib, rekord darajadagi 21 383,9 milliard so'mni (1 655,0 million $) tashkil etdi. Kredit portfeli 6,3% ga o'sib, 31 617,4 milliard so'mni (2 447,1 million $) tashkil etdi, shu bilan birga muammoli kreditlar ulushi 4,5% ni tashkil etdi, bu esa O'zbekiston bank sektori o'rtacha ko'rsatkichidan past.

Kapitalbankning sof foydasi hisobot davrida 8% ga ko'tarilib, 1 807,8 milliard so'mni (142,9 million $) tashkil etdi. Bankning aktivlari 13,4% ga o'sib, 47 069,9 milliard so'mni (3 643,0 million $) tashkil etdi, bu esa bankning mamlakat bozoridagi barqarorligini va mijozlar ishonchini tasdiqlaydi. Rentabellik ko'rsatkichlari yuqori darajada saqlanib qolmoqda: ROE 36,7%, ROA 4,1%, CIR 34,8%, bu esa yuqori operatsion samaradorlikni ko'rsatadi.

— Ko'p yillar davomida Kapitalbank mamlakatning yetakchi moliyaviy muassasalaridan biri bo'lib kelmoqda, asosiy ko'rsatkichlarning yuqori o'sish sur'atlarini saqlab qolmoqda. Har bir raqam orqasida aholi moliyaviy farovonligini oshirish, yangi mahsulotlar va raqamli bank xizmatlarini joriy etishga qaratilgan katta ishlarning natijasi turadi, — dedi Kirill Maevskiy, «Kapitalbank» boshqaruvi raisi. — 2024-yil oxirida Kapitalbank mamlakatning tizimili ahamiyatga molik banklari ro'yxatiga kiritildi. Tizimiy ahamiyatga molik banklarning to'lov qobiliyati, faqat moliyaviy tizimning barqarorligini emas, balki milliy iqtisodiyotning umumiy barqarorligini mustahkamlashda muhim rol o'ynaydi. Bu Kapitalbankning O'zbekistonning fintech sanoatidagi ishonchliligini tasdiqlaydi.

Kapitalbank O'zbekistonning eng yirik xususiy banklaridan biri bo'lib, 23 yildan ortiq vaqt davomida keng moliyaviy xizmatlar spektrini taklif qilmoqda. Bank 2 milliondan ortiq chakana mijozlar va 100 000 dan ortiq kompaniyalar hamda tadbirkorlarga xizmat ko'rsatadi. Bankning tarmog'i mamlakatning barcha hududlarini qamrab olgan va 100 dan ortiq filial va ofislardan iborat bo'lib, bankomatlar soni 1,5 mingdan ortiq.