Germaniya-O‘zbekinston ishbilarmonlar kengashining 8-yig‘ilishi doirasida O‘zbekistonning eng yirik xususiy banklardan biri Kapitalbank va Germaniyaning Commerzbanki o‘rtasida hamkorlik memorandumi imzolandi. Banklar nafaqat moliyaviy mahsulotlarni rivojlantirish, balki qo‘shma tadbirlar tashkil etish, o‘zaro tajriba almashish borasida ham hamkorlik qilishni rejalashtirgan.
— Memorandumning imzolanishi xalqaro hamkor tomonidan bildirilgan ishonchdan dalolat beradi va xalqaro bozordagi mavqeimizni mustahkamlaydi. Bu hamkorlik O‘zbekiston va Germaniya o‘rtasidagi savdo-iqtisodiy munosabatlarni rivojlantirish, shuningdek, Kapitalbankning innovatsion va o‘sish strategiyasini amalga oshirishda muhim qadam bo‘ldi, — deydi Kapitalbank boshqaruvi raisining birinchi o‘rinbosari Sardor Ismoilov. — Biz Commerzbank bilan o‘z imkoniyatlarimizni birlashtirib, mijozlarimizga yanada ko'proq yangi mahsulot va xizmatlarni taklif qila olamiz.
Kelishuvdan maqsad - O‘zbekiston Respublikasi va Germaniya o‘rtasida biznes va moliyaviy rivojlanish sohasida tomonlar o‘rtasida o‘zaro manfaatli va uzoq muddatli hamkorlikni yo‘lga qo‘yish va yanada rivojlantirishdan iborat.
— Turli mamlakatlardagi yetakchi moliya institutlari bilan xalqaro aloqalarni rivojlantirish "Commerzbank AG"ning uzoq yillik amaliyotiga aylangan. O‘zbekiston strategik hamkorlarimizdan biridir, – deydi “Commerzbank AG”ning Toshkentdagi vakolatxonasi rahbari Ketevan Antidze xonim. — Ishonchim komilki, mamlakat moliya sektorining yetakchilaridan biri bo‘lgan Kapitalbank bilan hamkorlik mamlakatlarimiz tadbirkorlari va kompaniyalari uchun biznesni rivojlantirish uchun yangi imkoniyatlar yaratishga yordam beradi.
Commerzbank AG haqida
Commerzbank - Germaniya bank konserni bo'lib, aktivlari bo'yicha Germaniyada ikkinchi yirik xususiy bankdir. Commerzbank dunyoning 40 dan ortiq mamlakatlarida vakolatxonalariga ega. Bankning yakuniy balansi 2023 yil oxirida 517 milliard yevroni tashkil qildi.
19.08.2025
Mikroqarzni qachon olish maqsadga muvofiq: Octobank tahlili
12.08.2025
2025-yil birinchi yarim yilligi yakunlari: Octobank ko‘rsatkichlarining barqaror o‘sishi va hamkorliklarning kengayishi
08.08.2025
TBC Uzbekistan 2025-yilning 2-choragi uchun MHXS bo‘yicha moliyaviy natijalarni eʼlon qildi: kredit va depozit portfellarining 113% ga va 93% ga o‘sishi hisobiga umumiy operatsion daromad 100% ga oshib, 1,543 trillion so’mni tashkil etdi
Kapitalbank va Germaniyaning Commerzbanki o‘rtasida strategik hamkorlik to‘g‘risidagi memorandum imzolandi