1–30 noyabr kunlari O‘zbekistonda “Kibermadaniyatni yuksaltirish oyligi” o‘tkazilmoqda. Ushbu tashabbus Vazirlar Mahkamasi dasturi bilan tasdiqlangan bo‘lib, uning ijrosi Ichki ishlar vazirligi O‘zbekiston Respublikasi Operativ-qidiruv departamenti huzuridagi Kiberxavfsizlik markazi hamda Toshkent shahar IIBBning Axborot texnologiyalari sohasidagi jinoyatlarga qarshi kurashish boshqarmasi tomonidan amalga oshirilmoqda.
Oylikning maqsadi — aholining raqamli savodxonligini oshirish, internetda xavfsiz xulq-atvor madaniyatini shakllantirish va kiberjinoyatchilikning, jumladan, bank kartalari va shaxsiy ma’lumotlar bilan bog‘liq firibgarliklarning oldini olishdir.
Raqamli xizmatlar jadal kengayayotgan, ijtimoiy tarmoqlardan foydalanish faollashgan va moliyaviy operatsiyalar tobora onlayn formatga o‘tayotgan sharoitda shaxsiy ma’lumotlarni himoya qilish masalasi yanada dolzarb bo‘lib bormoqda. Huquqni muhofaza qiluvchi organlar ma’lumotlariga ko‘ra, bank kartalari bilan bog‘liq o‘g‘rilik va firibgarlik holatlari soni ortishda davom etmoqda.
Tashabbus davlat idoralari, banklar, to‘lov tashkilotlari, jamoat institutlari va ommaviy axborot vositalarini jalb etgan holda keng ko‘lamli profilaktika ishlarini amalga oshirishni nazarda tutadi. Asosiy vazifa — aholiga tushuntirish materiallarini yetkazish, kiberxavfsizlik bo‘yicha xabardorlikni oshirish va mas’uliyatli onlayn-harakat madaniyatini shakllantirishdir.
“Kibermadaniyatni yuksaltirish oyligi” zamonaviy kiberxavflarga qarshi kurashishda jamiyatning tayyorgarligini oshirish, fuqarolar manfaatlarini himoya qilish va milliy kiberxavfsizlikni mustahkamlashga qaratilgan.
"Ipak Yo'li" aksiyadorlik innovatsiya tijorat banki 1990 yildan buyon faoliyat yuritib kelmoqda. Bugungi kunga kelib, bank litsenziyasi asosida ishlaydi. Bosh ofis Toshkent shahrida joylashgan.
2013 yildan beri Bankning aksiyadori Osiyo taraqqiyot banki hisoblanadi. Ushbu bitim OTBning Markaziy Osiyo mintaqasidagi birinchi sarmoyasi bo'ldi.
Rasmiy sayt: https://ipakyulibank.uz/
2020 yil o'rtasida - Germaniyaning taraqqiyot moliya instituti DEG-Deutsche Investitions-und Entwicklungsgesellschaft mbH va Triodos Investment Management (o‘zining Triodos Microfinance Fund orqali) «Ipak Yo‘li» AITB aksiyadorlik kapitaliga deyarli 25 million AQSh dollariga teng investitsiya kiritishdi. Investorlar yangi chiqarilgan aksiyalarni sotib olish yo‘li bilan bankning aksiyadorlik kapitalidagi minoritar ulushini qo‘lga kiritdi, bu ularning O‘zbekistondagi bankning aksiyadorlik kapitaliga kiritgan ilk investitsiyasi hisoblanadi. O'zbekistondagi tijorat banklari faoliyatini tahlil qilish natijalariga ko'ra, uning faoliyati ko'lami bo'yicha "Ipak Yo'li" banki 2021-yilning birinchi yarmida 13-o'rinni egallab turibdi, bozor ulushi 2,03 foizni tashkil etdi.
13.05.2026
Central Asian Fintech Association (CAFA) Toshkent shahrida bo‘lib o‘tadigan menejerlar va IT yetakchilari uchun eng muhim tadbirlardan biri — Manager’s Conference 2026 tadbirining hamkori va ishtirokchisi sifatida qatnashadi
05.05.2026
Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi
24.04.2026
Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi
Kibermadaniyatni yuksaltirish oyligi