Kookmin Bank (Koreya) bilan vakillik munosabatlari o‘rnatildi

Mijozlarga xizmat ko‘rsatish imkoniyatlarini kengaytirish maqsadida ATB “Qishloq qurilish bank” xalqaro moliya institutlari va xorijiy banklar bilan uzoq muddatli hamkorlik munosabatlarini rivojlantirishga intilmoqda. Bu esa, o‘z navbatida, tadbirkorlik sub’ektlarining yangi turdagi mahsulotlarni yaratish, ichki iste’mol bozorini to‘ldirish, mahsulotlar eksportini kengaytirish hamda yangi ish o‘rinlariniyaratishga qaratilgan faoliyatini moliyaviy qo‘llab-quvvatlashga xizmat qiladi.

Mazkur maqsadlar yo‘lida “Qishloq qurilish bank” 2018 yilning 31 mayida Koreya Respublikasining yirik banklaridan biri bo‘lgan Kookmin Bank bilan vakillik munosabatlarini o‘rnatdi. Vakillik munosabatlari sohasida tajribali bo‘lgan bunday bank bilan ishlash bankimiz faoliyatini kengaytirish hamda mijozlarimiz uchun o‘z bizneslarini yanada rivojlantirish imkonini beradi.

Ta’kidlab o‘tish joizki, hozirda ATB “Qishloq qurilish bank” tomonidan Germaniyaning Commerzbank AG, Rossiya Federatsiyasining “Sberbank”, ATB “Aziya-Invest Bank”, ATB “Promsvyazbank”, ZAO AKB “Novikombank” kabi xorijiy banklar bilan vakillik hamda savdoni moliyalashtirish munosabatlari o‘rnatilgan.