Korporativ mijozlarga xizmat ko‘rsatish bo‘yicha xodimlar malakasi oshirildi

Poytaxtimizdagi Bankirlar trening maktabida Aksiyadorlik tijorat Xalq bankining Korporativ mijozlarga xizmat ko‘rsatish shoʻbasi mudirlari uchun seminar-trening o‘tkazildi.

Mazkur anjuman Xalq bankining hududiy filiallarida korporativ mijozlarga ko‘rsatilayotgan xizmat sifatini yanada yuksaltirish va bu boradagi tartib-qoidalar hamda yangiliklarni batafsil tushuntirish, shuningdek, olingan bilimlarni  amaliyotda qo‘llash ko‘nikmasini shakllantirishga bag‘ishlandi.

Seminar-treningda qatnashchilar “Bank korporativ mijozlariga xizmat ko‘rsatish etikasi kodeksi”, “Korporativ mijoz kim”, “Individual menejerlarning roli, vazifasi va ularga qo‘yilgan mezonlar”, “Korporativ mijozlarga valyuta operasiyalari bilan bog‘liq xizmatlarni ko‘rsatish” va “Bankning korporativ mijozlariga xalqaro kredit liniyalari orqali va xorijiy valyutada kreditlar ajratilishi” singari mavzularda ma’ruzalar tinglandi.

Tadbir davomida “ZOOM” dasturi orqali xorijiy mustaqil ekspertchi Dmitriy Xarchenko ishtirokida “Jahon tajribasida korporativ mijozlarga xizmat ko‘rsatish tendensiyalari va ko‘rsatiladigan xizmat turlari” mavzusida ijodiy muloqot ham o‘tkazildi. Muloqot asnosida  berilgan ma’lumotlar yuzasidan atroflicha fikr almashildi. Ishtirokchilar o‘zlarini qiziqtirgan savollarga batafsil javob olishdi. 

Bank Axborot xizmati.