"Коррупцияга қарши комплаенс-назорат тизими фаолиятини такомиллаштиришга қаратилган семинар" новости "O'zR MB" ID#41235

Коррупцияга қарши комплаенс-назорат тизими фаолиятини такомиллаштиришга қаратилган семинар

23.08.2021

Ўзбекистон Республикаси Марказий банкида Коррупцияга қарши комплаенс-назорат ва ички аудит тизимини такомиллаштириш борасида бир ҳафталик ўқув семинари бўлиб ўтди. Унда Марказий банкнинг Комплаенс-назорат ва ички аудитни амалга оширувчи ходимлар ҳамда ҳудудий бошқармалар бош аудиторларининг билим ва кўникмаларини оширишга қаратилган машғулотлар ўтказилди. Семинар иштирокчилари Марказий банкнинг асосий вазифалари, хусусан, пул-кредит сиёсати ва пул бозоридаги операциялар, пруденциал назорат, инспекция текширувлари ва валюта назоратини амалга ошириш, харидларга оид масалалар, кадрлар билан ишлаш, тўлов тизимларини тартибга солиш, ахборот ва киберхавфсизликни таъминлаш ҳамда бошқа йўналишларда билим ва кўникмаларини бойитишди. Шунингдек, коррупцион рискларни аниқлаш, баҳолаш ҳамда минималлаштиришга қаратилган тадбирларни амалга ошириш ҳамда ички аудитни халқаро тажрибалар асосида такомиллаштиришга оид малакаларини ҳам ошириш имконига эга бўлишди. Иштирокчилар мазкур йўналишдаги муҳим ташкилий-ҳуқуқий ислоҳотларга доир қарашлари, шунингдек, жамиятда коррупцияга қарши муросасиз муносабатни шакллантиришга йўналтирилган тизимли ишлар борасида ўз фикр ва мулоҳазаларини билдиришди.

O'zR MB O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi. O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.

Manba: cbu.uz

O'xshash yangiliklar

31.05.2023

“Kapitalbank” ATBdan Visa – bank bo‘limiga bormasdan ilova orqali shaxsan qo‘lingizga!

25.05.2023

“Капиталбанк” АТБдан “Максимал капитал” омонати бўйича йиллик 25%

01.01.1970

“Woman in bussines СА” dasturi doirasida navbatdagi qoʼshma loyiha Samarqand viloyatida

Ipoteka bank

Bank mahsulotlari