O'zbekiston banklarining eng yaxshi mobil ilovalari reytingi e'lon qilindi. Batafsil

Kredit uchun hujjatlarni kompyuter to‘playdi

18.12.2020

Kredit so‘rab bank xodimi qosh-qovog‘iga qarab o‘tiradigan zamonlar o‘tdi. Ayniqsa, Xalq bankida! Endi adolatli qarorni kompyuterlar chiqaradi!

Chunki mijozga kredit ajratish mumkinmi, yo‘qmi, agar ajratilsa, miqdori qancha bo‘ladi, bu savollar javobini endi kompyuter dasturlari aniqlaydi va tahlil qiladi. Qanday qilib deysizmi?

Buning uchun ma’lumotlar “kredit konveyeri” dasturiga joylashtirilsa, kifoya. Mijozning pasport ma’lumotlari IIVdan, kredit tarixi va mavjud qarzdorligi Kredit byurosidan, oylik daromadlari to‘g‘risidagi real ma’lumot Pensiya tizimi bazasidan, STIR raqami Elektron soliq bazasidan olinadi. “Anderrayter” xulosasi va elektron imzosi ham ayni shu konveyerning o‘zida shakllanadi.

Darvoqe, “anderrayter” deganimiz — Bosh bankda kompyuter dasturlari xulosalari asosida yakuniy qaror chiqaruvchi mas’ul xodim. Baribir, inson omili hal qiluvchi ekan-ku, tizimda korrupsiya bo‘laveradi-da, desangiz, yanglishasiz.

Chunki anderrayterlar “QR code” orqali ishlaydi. Ularning shaxsi filial xodimi uchun noma’lum qoladi. Bu esa Bosh bank anderrayteri va filial xodimining o‘zaro kelishuviga hamda til biriktirishiga imkon bermaydi.

Konveyer tizimining boshqa afzalliklari ham bor. Misol uchun, mijozni ovora qilmasdan oylik ish haqi to‘g‘risidagi ma’lumotni onlayn shakllantirish imkoniyati yaratildi. Qolaversa, “skoring” tahlili natijasida soxta oylik ish haqlari orqali kredit ajratilishiga barham berildi.

Yana bir fakt: avvallari filial xodimi kuniga o‘rtacha 5 ta mijozga xizmat ko‘rsatgan bo‘lsa, endilikda bu ko‘rsatkich 15-20 tani tashkil etmoqda. Shuningdek, kredit konveyeri orqali kredit buyurtmasi bir bosqichda, bor-yo‘g‘i 2-3 daqiqada ko‘rib chiqilayotir. Avvalgidek, dasta-dasta hujjatlarni qo‘ltiqlab, haftalab, oylab sarson bo‘lishingizga hojat yo‘q.

Bank Axborot xizmati

Barcha takliflar
Kreditlar
Bank.uz da Kreditlar

30ta O'zbekiston bankidan 161ta noyob taklif.

Bo'limga o'tish
Xalq banki Bugungi kunda Xalq banki O'zbekiston bank tizimining muhim bo'g'ini hisoblanadi. Uning 197 ta hududiy va tuman (shahar) filiallari, 29 ta mini-bank va 3000 ga yaqin kassalar iqtisodiyotning real sektoriga – kichik biznes subyektlari va aholiga keng qamrovli bank xizmatlarini ko'rsatib kelmoqda. Xalq bankining asosiy vazifalaridan biri O'zbekistonning keksa fuqarolarini nafaqalar bilan o'z vaqtida ta'minlashdan iborat.
Manba: Xalq banki
O'xshash yangiliklar
Do'stlar!  Xaridlaringiz uchun HUMOpay orqali to'lovni amalga oshiring va qimmatbaho sovrinni yutib oling !!!

25.12.2020

Do'stlar! Xaridlaringiz uchun HUMOpay orqali to'lovni amalga oshiring va qimmatbaho sovrinni yutib oling !!!

Kapitalbank

Ўзбекистон ва Россия ўртасида банклараро ҳамкорлик муносабатлари муҳокама этилди

24.12.2020

Ўзбекистон ва Россия ўртасида банклараро ҳамкорлик муносабатлари муҳокама этилди

cbu.uz

Марказий банк облигацияларининг муомалага чиқарилиш календари

25.12.2020

Марказий банк облигацияларининг муомалага чиқарилиш календари

cbu.uz



Bank mahsulotlari Kreditlar10
Orphus tizimi