2020 yil yakuni bo'yicha banklarining eng yaxshi mobil ilovalari reytingi Batafsil

Марказий банк iOS фойдаланувчилари учун мобиль иловани ишга туширди

16.02.2021
Мобиль илова расмий веб-сайт фойдаланувчиларига қўшимча қулайлик яратиб, Ўзбекистон Республикаси Марказий банкининг барча ахборот ва интерактив хизматларини қулай форматда тақдим этади.

Мобиль иловада асосий пул кўрсаткичлари ҳақидаги янгиликлар ва маълумотлардан ташқари валюта курсини сана бўйича саралаш функцияси ёрдамида осонгина топиш, шунингдек, энг кўп сўраладиган саволларга жавоблар ва бошқа имкониятлардан фойдаланиш мумкин.


Иловада Ўзбекистоннинг географик харитасида жойлашуви кўрсатилган банк инфратузилмаси объектларининг интерактив харитаси мавжуд. Модул юборилган локация (манзил) бўйича энг яқин жойлашган кредит ташкилотлари ва уларнинг филиалларини, валюта айирбошлаш шохобчалари, банкоматлар, шу жумладан, куну-тун ишлайдиган кўп функцияли ўз-ўзига хизмат кўрсатиш пунктларини топиш ва фойдаланувчи жойлашган жойдан танланган объектгача бўлган масофани аниқлаш имконини беради. Унда манзил, иш вақти, телефон рақамлар ва фотосуратлар акс этади.


Илова орқали жисмоний ва юридик шахслар Марказий банкка ариза билан мурожаат йўллашлари, банкларда учраётган муаммоларни ҳал этиш учун ўз шикоятларини жойлаштиришлари мумкин. Шу билан бирга, юборилган мурожаатларнинг қай ҳолатда эканлигини кузатиш мумкин.


Мобиль иловада банк тизимининг ҳуқуқий асослари базаси жойлаштирилган. Базадан кенгайтирилган фильтр орқали керакли ҳужжатларни тез ва осон топиш, маълумотларни юклаб олиш ёки онлайн ўқиш мумкин.


Илованинг яна бир афзаллиги push-xabar хизматининг мавжудлигидир. Бу хизмат янги ахборот материаллари ва валюта курсидаги ўзгаришлар тўғрисида автоматик равишда хабар бериб туради. Илова созламаларида ихтиёрий равишда барча хабарномаларни ўчириб қўйиш ёки фақат керакли маълумотлар хабарини ёқиш мумкин.


Бундан ташқари, мазкур мобиль иловада Марказий банк веб-сайтидаги http://www.cbu.uz барча маълумотлар базасига оид қидирув модули мавжуд. Шундай қилиб, дастур сайтнинг тўлиқ контентини ва барча интерактив хизматларини ўз ичига олади.


Мобиль илова фойдаланувчиларнинг барча эҳтиёжларини инобатга олган ҳолда яратилиб, ўзбек (кирилл ва лотин), рус ва инглиз тилларида юритилади.


Мазкур иловани Android фойдаланувчилари ҳам қўллаши мумкин.
O'zR MB O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi. O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.
Manba: cbu.uz
O'xshash yangiliklar
MasterCard Alliance va MasterCard Alliance Gold asosiy va qo'shimcha kartalarini chiqarish bepul bo'lishini ma'lum qiladi

12.05.2021

MasterCard Alliance va MasterCard Alliance Gold asosiy va qo'shimcha kartalarini chiqarish bepul bo'lishini ma'lum qiladi

Asia Alliance Bank

Тадбиркорлар учун ажойиб янгилик!

11.05.2021

Тадбиркорлар учун ажойиб янгилик!

Turon bank

Огоҳ бўлинг: фирибгарлар!

11.05.2021

Огоҳ бўлинг: фирибгарлар!

Trastbank



Orphus tizimi