"Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда" новости "O'zR MB" ID#41227

O'zbekistondagi banklarning qo'llab-quvvatlash xizmatlari reytingi Batafsil

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

20.08.2021

Жорий йил 19 августда Молиявий саводхонликни ошириш ва банк мутахассисларини қайта тайёрлаш департаменти томонидан Олмалиқ шаҳрида аёллар молиявий саводхонлигини ошириш бўйича навбатдаги давра суҳбати ўтказилди. Ушбу таълим тадбирида Олмалиқ шаҳрининг турли ҳудудларидан 18 ёшдан 50 ёшгача бўлган 50 нафар аёллар иштирок этишди. Улар орасида асосий аудиторияни “Аёллар дафтари”га киритилган, тадбиркорлик билан шуғулланишни бошлаган хотин-қизлар, оилавий тадбиркорлик масалалари бўйича маҳалла раиси ўринбосарлари ҳамда қишлоқ жойлардан ташриф буюрган аёллар ташкил этди. Давра суҳбати мобайнида Марказий банк ходимлари томонидан банк омонатлари ёрдамида жамғармалар шакллантириш, депозит ва кредит бўйича фоизлар ҳисобланиш тартиби, рақамли банк хизматлари ва маҳсулотларидан самарали фойдаланиш, молиявий хавфсизликни таъминлаш, молиявий мақсадлар қўйиш ва уларга эришиш ҳамда молиявий хизматлар истеъмолчилари ҳуқуқлари ҳимояси каби молиявий саводхонликнинг асосий масалалари ёритиб берилди. Шунингдек, кредит олишга масъулият билан ёндашиш қоидалари ва ижобий кредит тарихини шакллантиришнинг аҳамиятига алоҳида эътибор қаратилди. Тадбирнинг интерактив шаклда олиб борилганлиги натижасида иштирокчилар ўзларини қизиқтирган турли саволларга жавоб олишди. Марказий банк томонидан республикамизнинг бошқа ҳудудларида ҳам аёллар молиявий саводхонлигини ошириш бўйича интерактив таълим тадбирларини ташкил этишни режалаштирилмоқда.

O'zR MB O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi. O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.

Manba: cbu.uz

O'xshash yangiliklar

10.01.2022

Марказий банк томонидан "2021 йилнинг II ярим йиллиги учун банк тизими ликвидлиги шарҳи" тақдим этилди

cbu.uz

27.12.2021

Bank.uz 2021-yilda dollarning eng yaxshi kursini taklif qilgan banklarni aniqladi

22.12.2021

Статистика

cbu.uz

Bank mahsulotlari