Mijozlarga yangi binoda xizmat ko‘rsatilmoqda

Davlatimiz rahbarining 2018-yil 23-martdagi “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida”gi qaroriga asosan aholi va tadbirkorlarga bank xizmatlarini ko‘rsatishda qulayliklar yaratish belgilangan.
Mazkur hujjat ijrosi doirasida Xalq banki tomonidan muayyan ishlar amalga oshirilmoqda. Bunda mijozlarga sifatli bank xizmatlari ko‘rsatish va ularga yanada qulayliklar yaratish ustuvor maqsad qilingan. Jumladan, so‘nggi yillarda respublikadagi mavjud barcha tuman va shahar filiallari zamonaviy qiyofada qayta ta’mirlanmoqda. 
Farg‘ona viloyati Beshariq filiali ham kapital ta’mirlanib, foydalanishga topshirildi. Binoda aholi va tadbirkorlar uchun barcha qulayliklar yaratilgan bo‘lib, “front” va “bek” ofislarga ajratilgan holda mijozlarga xizmat ko‘rsatilmoqda.
Bank Axborot xizmati