O'zbekistondagi banklarning qo'llab-quvvatlash xizmatlari reytingi Batafsil

“Микрокредит ташкилотлари ва ломбардлар фаолиятини мувофиқлаштириш ва тартибга солиш тўғрисида”ги низомга шарҳ

20.05.2021
Марказий банк томонидан “Микрокредит ташкилотлари ва ломбардлар фаолиятини мувофиқлаштириш ва тартибга солиш тўғрисида”ги низом ишлаб чиқилиб, давлат рўйхатидан ўтказилди (2021 йил 7 май, рўйхат рақами 3300).


Мазкур низом Марказий банкнинг микрокредит ташкилотлари ва ломбардлар фаолиятини тартибга солувчи ҳужжатларни унификация қилиш орқали тайёрланди.


Жумладан, “Микрокредит ташкилотлари томонидан молиявий операцияларни амалга ошириш қоидалари” (рўйхат рақами 1642, 23.11.2006 й.), “Ломбардлар томонидан фаолият ва операцияларни амалга ошириш қоидалари” (рўйхат рақами 1290, 10.12.2003 й.), “Микрокредит ташкилотлари томонидан активлар сифатини таснифлаш, активлар бўйича эҳтимолий йўқотишларни қоплаш захираларини яратиш ва улардан фойдаланиш тартиби тўғрисида низом”лардаги (рўйхат рақами 2378, 16.07.2012 й.) нормалар ягона ҳужжатга бирлаштирилган.


Ҳужжатда қуйидагилар акс эттирилди:


микрокредит ташкилотлари томонидан фаолиятни амалга оширишда уларга қўйиладиган талаблар (микрокредит ташкилотининг капитали жами активларининг 10 фоиздан кам бўлмаган даражада бўлиши, зарарларни қоплаш учун захира фонди яратилиши, микромолиявий хизматлар кўрсатиш учун маблағларнинг манбалари);


микрокредит ташкилотлари активлари сифатини таснифлаш, улар бўйича захираларни яратиш ва захиралардан фойдаланиш (активлар сифатини таснифлашнинг айрим жиҳатларини аниқлаштириш);


ломбардлар томонидан фаолият ва операцияларни амалга оширишнинг умумий қоидалари (ломбард томонидан операциялар ўтказишнинг умумий шартлари тўғрисидаги қоидаларда ҳамда ички қоидаларда белгиланиши лозим бўлган маълумотлар);


ломбардлар томонидан кредитларни расмийлаштириш ва бериш тартиби (гаров паттасини бериш, кредит белгиланган муддатда қайтариб берилмаган тақдирда гаровга қўйилган мулкни сотиш тартиби);


ломбардда мол-мулкларни сақлаш тартиби (сақловга ашёлар топширилганда сақлов паттасини бериш, сақлаш учун топширилган ашёлар йўқолганда ёки шикастланганда мулкий зарарни тўлаш).


Унификация жараёнида такрорлашларга йўл қўймаслик мақсадида тегишли қонунларнинг тўғридан-тўғри амал қилувчи нормалари чиқариб ташланди.


Мазкур низом 2021 йил 8 августдан кучга киради.
O'zR MB O‘zbekiston Respublikasining «O‘zbekiston Respublikasining Markaziy banki to‘g‘risida»gi Qonuni 3-moddasiga muvofiq Markaziy bank yuridik shaxs bo‘lib, u davlatning mutlaq mulkidir va o‘z xarajatlarini o‘zining daromadlari hisobidan amalga oshiradi. Markaziy bank o‘z vakolatlari hamda vazifalari doirasida davlat hokimiyati va boshqaruvining boshqa organlaridan mustaqil ravishda qarorlar qabul qiladi. O‘zbekiston Respublikasining «Banklar va bank faoliyati to‘g‘risida»gi Qonuni 4-moddasiga muvofiq O‘zbekiston Respublikasi Markaziy banki bank faoliyati sohasini tartibga soluvchi va litsenziyalash, tartibga solish hamda prudensial nazorat bo‘yicha vakolatlarni amalga oshiruvchi davlat organidir.
Manba: cbu.uz
O'xshash yangiliklar
Коррупцияга қарши комплаенс-назорат тизими фаолиятини такомиллаштиришга қаратилган семинар

23.08.2021

Коррупцияга қарши комплаенс-назорат тизими фаолиятини такомиллаштиришга қаратилган семинар

cbu.uz

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

20.08.2021

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

cbu.uz

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

20.08.2021

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

cbu.uz



Orphus tizimi