«Milliy bank»ka Fitch Ratings tomonidan «BB-» reytingi taqdim etildi

21.08.2020

Dunyoning yetakchi reyting agentliklaridan biri — Fitch Ratings 2020 yilning 19 avgustida «O‘zbekiston Respublikasi Tashqi iqtisodiy faoliyat milliy banki» AJga kredit reytinglarini taqdim etdi. «Milliy bank» shuningdek yana «Barqaror» prognozi ostida «BB-» uzoq muddatli reytingga ham munosib ko‘rilgan.

Agentlik mutaxassislari O‘zbekistondagi eng yirik bank bo‘lgan «Milliy bank»ning tizimli ahamiyati, davlat tomonidan qo‘llab-quvvatlanishi, strategik roli va uzoq muddatli infratuzilma loyihalarini moliyalashtirishdagi ahamiyatini ta'kidlamoqdalar. Shu bilan birga mamlakatdagi rivojlanish loyihalari, kuchli mijozlar bazasi, aktivlarning sifati va kapitallashuv jarayoni ham e'tirof etilgan.

Nufuzli agentlik tomonidan «Milliy bank»ka reyting berilishi bankning puxta tanlangan rivojlanish strategiyasi, yetakchilik sifati va barqaror pozisiyasini saqlab qola olishi, xorijiy investisiyalarni jalb qilishdagi qat'iy pozisiyasi, tashqi savdo operatsiyalarini amalga oshirishda va shuningdek iqtisodiyotning strategik muhim sohalariga, xususan, davlat ahamiyatiga molik sohalarda bank xizmatlarini ko‘rsata olish qobiliyatini tasdiqlaydi.

Ma'lumot uchun: Fitch Ratings — Moody’s va Standard & Poors qatorida uchta yetakchi xalqaro reyting agentliklaridan biridir. Agentlik 1913 yilda tashkil topgan bo‘lib, shtab-kvartirasi N'yu-York shtatida (AQSh) joylashgan.

NBU O‘zbekiston Respublikasi Tashqi iqtisodiy faoliyat milliy banki mamlakatimiz birinchi Prezidenti I.Karimovning 1991 yil sentabrdagi Farmoni bilan tashkil etilgan.

O‘zbеkiston Rеspublikasi Prеzidеntining “O‘zbеkiston Rеspublikasi Tashqi iqtisodiy faoliyat milliy banki” unitar korxonasini aksiyadorlik jamiyati shaklida qayta tashkil etish chora-tadbirlari to‘g‘risida”gi 2019 yil 30 noyabrdagi PQ-4540-sonli qaroriga asosan O‘zmilliybank aksiyadorlik jamiyati shaklida qayta tashkil etildi.

Moliya vazirligi va O‘zbеkiston Rеspublikasi Tiklanish va taraqqiyot jamg‘armasi davlat nomidan «Milliy bank» AJning ta’sischisi hisoblanadi.
Manba: NBU
O'xshash yangiliklar
Moody’s xalqaro reyting agentligi “Kapitalbank” reytingini tasdiqladi
Moody’s xalqaro reyting agentligi “Kapitalbank” reytingini tasdiqladi

Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi
Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi

“Birinchi” kredit kartasining limiti 100 million so‘mgacha oshirildi

01.04.2024

“Birinchi” kredit kartasining limiti 100 million so‘mgacha oshirildi

Uzsanoatqurulishbank



Orphus tizimi