JET: Hamster Kombat va Notcoin o’yinlari qonuniymi? Batafsil

Moody’s xalqaro reyting agentligi “Kapitalbank” reytingini tasdiqladi

Moody's reyting agentligi Kapitalbank reytingini barqaror prognoz bilan B2 darajasida saqlab qoldi.

Moody's tahlilchilari bankning samarali biznes modeli va barqaror moliyaviy ko'rsatkichlar va yaxshi aktivlar sifati bilan muvozanatlangan jadal o'sishini qayd etdilar.

Bank 2023-yilda 1,7 trillion so‘m miqdorida rekord darajadagi daromadga erishib, yuqori rentabellikni namoyish etishda davom etmoqda. Rentabellik yuqori foizli daromadlar va kreditlarning tez o'sishi bilan quvvatlanadi. Muammoli kreditlar ulushi pastligi (2023 yil yakuni bo‘yicha umumiy kredit portfelining 1,65 foizi) tufayli Kapitalbank aktivlarining sifati yuqoriligicha qolmoqda.

— Biz uchun nafaqat mamlakatimizning barcha hududlaridan kelgan xususiy foydalanuvchilar va tadbirkorlar uchun qulay bank xizmatlarini ko‘rsatish, balki jadal o‘sish sharoitida bankning ishonchliligi va barqarorligini ta’minlash ham muhimdir, – deydi ATB “Kapitalbank” Boshqaruv raisi Kirill Mayevskiy. — Kichik va o‘rta biznesni qo‘llab-quvvatlash, shuningdek, bank mahsulotlarini jadal raqamlashtirish bizga ulkan maqsadlarga erishish va mijozlarga eng qulay va sifatli xizmat ko‘rsatish imkonini beradi.

Bugungi kunda “Kapitalbank” aktivlari hajmi bo‘yicha mamlakatimizning eng yirik xususiy banki bo‘lib, bank mijozlari 1,9 milliondan ortiq jismoniy shaxs va 64 mingdan ortiq tadbirkorlarni o‘z ichiga oladi. Hozirda, mamlakat bo‘yicha Kapitalbankning 95 ta bo'limi va 1150 dan ortiq bankomatlari mavjud.

2023-yilda bank tadbirkorlar uchun yangi xizmatlarni yo‘lga qo‘ydi, shuningdek, jismoniy shaxslar foydalanishi mumkin bo‘lgan onlayn xizmatlar ro‘yxatini kengaytirdi.

Moody's reyting agentligi haqida

Moody's xalqaro reyting agentligi (to'liq nomi - Moody's Investors Service) - kredit reytinglarini belgilash, tadqiqotlar va risklarni tahlil qilish bilan shug'ullanadi. Bu Standard & Poor's va Fitch Ratings bilan bir qatorda dunyodagi "katta uchlik" yetakchi reyting agentliklaridan biridir. Kompaniyaning eng yuqori professional standartlarga asoslangan faoliyati shaffoflikni oshirish va kapital bozorlarining integratsiyalashuviga yordam beradi.

Kapitalbank Kapitalbank aksiyadorlik tijorat banki 2001-yilda tashkil topgan. Faoliyat ko‘rsatishni boshlagandan buyon bank jadal sur'atlarda rivojlandi. Korporativ mijozlarga xizmat ko‘rsatish sohasi bilan bir qatorda chakana segmentda ham yuqori o‘sish sur'atlariga erishdi. Hozirda Kapitalbank ATB O‘zbekistonning eng yirik tijorat banklaridan biri, universal va ishonchli moliya instituti hisoblanadi. Bank to‘liq hajmda yuqori sifatli zamonaviy bank xizmatlarini ko‘rsatadi, o‘z mijozlari va sheriklarining barcha ehtiyoj va xohish-istaklarini imkon qadar qoniqtirishga intiladi.
O'xshash yangiliklar
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi

Kapitalbank va Germaniyaning Commerzbanki o‘rtasida strategik hamkorlik to‘g‘risidagi memorandum imzolandi
Kapitalbank va Germaniyaning Commerzbanki o‘rtasida strategik hamkorlik to‘g‘risidagi memorandum imzolandi

UZCARD mijozlarga xizmat ko'rsatish sifatini yaxshilash maqsadida ACP tizimini takomillashtirmoqda  - Toshkent, O'zbekiston
UZCARD mijozlarga xizmat ko'rsatish sifatini yaxshilash maqsadida ACP tizimini takomillashtirmoqda - Toshkent, O'zbekiston



Orphus tizimi