Muxbir Daliev telegram kanalida 2020 yil 13 mart kuni Asakabank rahbariga murojaat! sarlavhali postga munosabat

        Fuqaro D.Kenjaeva va “Asaka” bankning Andijon viloyat filiali o'rtasida O'zbekiston Respublikasi Prezidentining 2017 yil 23 oktyabrdagi “2017 — 2020 yillarda shaharlarda arzon ko'p kvartirali uylarni qurish va rekonstruktsiya qilish dasturini samarali amalga oshirish borasidagi qo'shimcha chora-tadbirlar to'g'risida”gi 3350-sonli Qaroriga asosan 2019 yil 16 dekabr kuni imtiyozli ipoteka krediti ajratilishi bo'yicha 2501-sonli ipoteka shartnomasi tuzilgan. Ushbu kreditni moliyalashtirish manbaalari shakllantirilishi bilanoq, 2020 yilning 4 mart kuni Bank filiali tomonidan fuqaro D.Kenjaevaga ipoteka krediti ajratilgan.

         Bank filiali xodimi mazkur shartnoma tuzilgan sanaga qarab, kompyuter dasturiga kiritilgan grafik bo'yicha adashib, kredit foizini chiqarib bergani tufayli mijoz va xodim o'rtasida tushunmovchilik yuzaga kelgan.

Mazkur tushunmovchilik yuzasidan Andijon viloyat filiali boshqaruvchisi, ipoteka kreditlari bilan ishlash bo'limi xodimi fuqaro D.Kenjaeva bilan suhbat o'tkazdi. Suhbat davomida tushunmovchilik kelib chiqishi sababi, foizlar kredit chiqqan kundan e'tiboran hisoblanishi va fuqaro D.Kenjaevaning Bank oldida muddati o'tgan kredit qarzdorligi yo'qligi aytildi.

        Xodim bilan zarur tushuntirish ishlari olib borildi.

     Bank rahbariyati shunga o'xshash holatlar takrorlanishining oldini olish, shuningdek, mijozlar bilan ishlash madaniyatini yanada oshirish maqsadida barcha filiallar boshqaruvchilari bilan ular esa o'z navbatida qo'l ostida ishlovchi xodimlari bilan tushuntirishlar o'tkazdi.