JET: Qimmat butik do'konlarda qalbaki brendlar sotilishi mumkinmi? Batafsil

“Namunaviy loyihalar asosida qishloq joylarida uy-joy qurilishini tashkil etish va kengaytirish borasida 2013 yilga belgilangan vazifalarning amalga oshirilishi to‘g‘risida" o‘tkazilgan press-konferensiya bo‘yicha

11.06.2013

“Qishloq taraqqiyoti va farovonligi yili” davlat dasturi doirasida bugungi kunda mamlakatimizda qishloq aholisining turmush darajasini yaxshilash, qishloqlarda zamonaviy va sifatli uy-joylarni qurish, ijtimoiy soha obektlarini barpo qilish, qishloqlarning yangi infratuzilmalarini shakllantirish, respublikamiz qishloqlari qiyofasini butunlay yangi bir bosqichga ko‘tarishga qaratilgan tadbirlar amalga oshirib kelinmoqda. Ochiq aksiyadorlik tijorat “Qishloq qurilish bank” respublikamizda ushbu jarayonni keng miqiyosda moliyaviy qo‘llab-quvvatlash, jumladan uy-joy-kommunal, ijtimoiy soha va qishloq aholi punktlarini obodonlashtirish borasidagi ehtiyojlarni amalga oshirishda aholi hamda yuridik shaxslarga kredit berish, yangi, zamonaviy qurilish materiallari va konstruksiyalari ishlab chiqaradigan, tasdiqlangan namunaviy loyihalar bo‘yicha qishloqda obektlar qurishning industrial va yig‘ma texnologiyalarini joriy etadigan korxonalarga kredit berish va universal tijorat banki sifatida yuridik va jismoniy shaxslarga kompleks bank xizmatlarini ko‘rsatilishni ta’minlash maqsadida tashkil etilgan.

Shuni ta’kidlash joizki, qishloq aholi punktlarini zamonaviy loyihalar bo‘yicha kompleks qurishga qaratilgan davlat dasturiga muvofiq 2009-2012 yillar davomida aholi mablag‘lari hamda markazlashtirilgan mablag‘lar hisobidan ajratilgan imtiyozli ipoteka kreditlar hisobiga qishloq aholi punktlarida 23 500 dan ortiq zamonaviy va ko‘rkam turar-joylar qurilib foydalanishga topshirildi.

E’tiborlisi, shu davrda qurilish ob’ektlarining umumiy qiymati 1 962,1 mlrd. So‘mni tashkil etgani holda, bank tomonidan uni moliyalashtirish uchun aholiga qariyib 1 186,3 mlrd. So‘mlik imtiyozli ipoteka kreditlari ajratilishi ta’minlandi. Bu esa, qishloqlar qiyofasini o‘zgartirish, aholi turmush tarzini yanada yaxshilash masalalariga davlatimiz rahbariyati tomonidan alohida e'tibor qaratilayotganligining va bu mamlakatimiz miqyosida juda yirik ijtimoiy loyiha ekanligigining isbotidir.

O‘zbekiston Respublikasi Prezidentining 2013 yil 4 yanvardagi “2013 yilda qishloq joylarda namunaviy loyihalar bo‘yicha yakka tartibdagi uy-joylarni qurish dasturi to‘g‘risida“gi PQ-1902-sonli qarori bilan 2013 yilda qishloq joylarda namunaviy loyihalar bo‘yicha yakka tartibdagi uy-joylar, tashqi muhandislik va transport kommunikatsiyalari, ijtimoiy va bozor infratuzilmasi obektlarini qurish Dasturi maqullangan bo‘lib, ushbu qarorga asosan 2013 yilda respublikamiz hududlaridagi qishloq massivlarida 10 mingta uy-joy qurilishi belgilangan bo‘lib, ushbu uy-joylarning umumiy qiymati 1 400,0 mlrd. so‘mni tashkil etishi ko‘zda tutilgan.

O‘zbekiston Respublikasi Vazirlar Mahkamasining 2013 yil 1 may sanasidagi 116-sonli “Qishloq joylarda namunaviy loyihalar bo‘yicha yakka tartibdagi uy-joylar qurilishi dasturini samarali amalga oshirishni ta’minlashga doir qo‘shimcha chora-tadbirlar to‘g‘risida”gi qaroriga muvofiq 2013 yilda qishloq joylarda namunaviy loyihalar bo’yicha “tayyor holda topshirish” nazarda tutilgan yakka tartibdagi uy-joylar soni Dasturda ishtirok etuvchi tijorat banklari o‘rtasida taqsimlangan bo‘lib, unga ko‘ra joriy yilda qurilishi mo‘ljallangan uylarning 8 182 tasi OATB “Qishloq qurilish bank” ishtirokida, 1 198 tasi TIF Milliy bank va 620 tasi ATIB “Ipoteka bank” ishtirokida moliyalashtirilishi belgilandi. Bugunga kunda OATB “Qishloq qurilish bank” ishtirokida moliyalashtirilishi mo‘ljallangan uy-joylarning qurilishi uchun bugungi kungacha jami 457,8 mlrd.so‘m miqdoridagi mablag‘lar bank tomonidan “Qishloq qurilish invest” injiniring kompaniyasi filiallari hisobraqamlariga qurilishni moliyalashtirish uchun o‘tkazib berildi.

Qishloq aholisi turmush sharoitini yaxshilash, ularning hayot darajasini yanada ko‘tarishga qaratilgan loyihalarni moliyalashtirish uchun chet el banklari kredit liniyalari ham jalb qilinmoqda. O‘zbekiston Respublikasi Prezidentining 2012 yil 11 yanvardagi “Qishloq joylarda uy-joylar qurilishini rivojlantirish” loyihasini Osiyo taraqqiyot banki ishtirokida ko‘p transhli moliyalashtirish Dasturi bo‘yicha amalga oshiriladigan ustuvor choralar to‘g‘risida“gi 1683-sonli qarori bilan “Qishloq joylarda uy-joy qurilishini rivojlantirish” loyihasini moliyalashtirish rejasi, shuningdek 2012-2015 yillarda “Qishloq joylarda uy-joy qurilishini rivojlantirish” loyihasini amalga oshirish chora-tadbirlari Dasturi tasdiqlangan. Mazkur Dastur doirasida bugungi kungacha Osiyo taraqqiyot banki kredit liniyasi hisobidan 179,6 mln. AQSh dollari miqdorida mablag‘lar o‘zlashtirilgan bo‘lib, to‘liq miqdorda qishloq joylarda namunaviy uy-joy qurilishi uchun yo‘naltirildi. Hozirda namunaviy loyihalar bo‘yicha uy-joylarni qurish ishlari O‘zbekiston Respublikasi Vazirlar Mahkamasining 2012 yil 13 fevraldagi “Qishloq joylarda namunaviy loyihalar bo‘yicha “tayyor holda topshirish” shartlari asosida yakka tartibda uy-joy qurish uchun pudrat tashkilotlarini aniqlash yuzasidan tanlov savdolari o‘tkazish tartibi to‘g‘risidagi nizomni tasdiqlash haqida” 37-sonli qarori talablaridan kelib chiqib o‘tkazilgan tanlov savdolarida g‘olib deb topilgan 818 ta pudratchi tashkilotlar tomonidan amalga oshirilmoqda.

Dastur doirasida qurilayotgan uy-joylar qiymatini asossiz ortishini oldini olish, uylarning qurilishida mahalliy xom-ashyo, zamonaviy materiallardan keng foydalanish masalalariga keng ustuvorlik berilmoqda.

O‘zbekiston Respublikasi Prezidentining yuqorida qayd etilgan “2013 yilda qishloq joylarda namunaviy loyihalar bo‘yicha yakka tartibdagi uy-joylarni qurish dasturi to‘g‘risida”gi PQ-1902-sonli qaroriga muvofiq 13 ta qurilish materiallari ishlab chiqaruvchi korxonalar “Qishloq qurilish invest” IK balansidan “Qishloq qurilish bank” OATB balansiga o‘tkazildi. Shu munosabat bilan, mazkur korxonalar faoliyatini samarali boshqarishni tashkil etish, ularni to‘liq quvvat bilan ishlashga o‘tkazishga va qishloq joylarda namunaviy loyihalar bo‘yicha yakka tartibdagi uy-joylar quruvchi pudrat tashkilotlarini sifatli pishiq g‘isht bilan uzluksiz ta’minlashga yo‘naltirilgan qurilish materiallari ishlab chiqaruvchi korxonalar faoliyati natijadorligi ustidan nazorat qilish maqsadida Vazirlar Mahkamasining yuqorida ko‘rsatilgan qarori asosida mas’uliyati cheklangan jamiyat shaklida Boshqaruvchi kompaniya tashkil etildi.

2013 yildagi asosiy yangiliklar va yaratilgan imtiyozlar

1. Qishloq joylarida namunaviy loyihalar asosida individual uy-joylar qurishni moliyalashtirishda 2013 yildan boshlab OATB “Qishloq qurilish bank” bilan birga TIF Milliy bank va ATIB “Ipoteka bank”lar ham ishtirok eta boshladilar.

2. Joriy yil 1 yanvardan boshlab Davlat dasturi doirasida qishloq joylarda namunaviy loyihalar asosida qurilayotgan yakka tartibdagi uy-joylarni sotib olgan jismoniy shaxslar, ular tomonidan ipoteka kreditlarini to‘liq qoplangunga qadar mulk solig‘i to‘lashdan ozod qilindilar.

3. Qurilish materiallarini ishlab chiqaruvchi korxonalar (Qoraqalpog‘iston Respublikasi, viloyatlar va Toshkent shahrida tashkil etilgan “Qishloq qurilish servis” korxonalari) 2014 yil 1 yanvargacha - barcha turdagi soliqlardan, davlatning maqsadli jamg‘armalariga (yagona ijtimoiy soliq bundan mustasno) hamda Ta’lim va tibbiyot muassasalarini rekonstruksiya qilish, mukammal ta’mirlash va jihozlash jamg‘armasiga to‘lanadigan majburiy ajratmalardan ozod etildi.

4. “O‘zsanoatmashimpeks” DATK olib kelinadigan tomga yopiladigan metall tunukalar uchun bojxona to‘lovlaridan (bojxona yig‘imlaridan tashqari), shuningdek importga olib kelingan yog‘och-taxta, tomga yopiladigan metall tunukalarni va yog‘och payraha qirindilaridan tayyorlangan plitalar “Qishloq qurilish invest” IKga sotilganida qo‘shilgan qiymat solig‘i to‘lashdan ozod qilingan. 5. Yakka tartibdagi uy-joylarni “kaliti bilan topshirish” sharti asosida qurish doirasida “Qishloq qurilish invest” Injiniring kompaniyasi bilan shartnomalar tuzgan subpudrat tashkilotlari shartnoma bo‘yicha ular tomonidan bajarilgan ish hajmlari qismida 2014 yil 1 yanvargacha yagona soliq to‘lovi to‘lashdan ozod qilinganlar.

Yurtboshimiz tashabbuslari bilan qabul qilingan “Qishloq taraqqiyoti va farovonligi yili” Davlat dasturi doirasida qishloq aholisining turmush darajasini yaxshilash, qishloq joylarda uy-joy qurilishi ko‘lamini kengaytirish bilan bog‘liq tadbirlarda bundan keyin ham OATB “Qishloq qurilish bank”ning faol ishtiroki ta’minlanadi.
BRB
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi