2021 yilning 22 may sanasida “O’zbekiston Respublikasi tashqi iqtisodiy faoliyat milliy banki” AJ aksionerlari ishtirokida Bankning 2020 yil yakunlariga bag’ishlangan navbatdagi yig’ilishi bo’lib o’tdi.

Yig’ilish doirasida Bank rahbariyatining 2020 yil bo’yicha yillik hisoboti tinglandi. 2021 yilning 1 yanvar' holatiga ko’ra “O’zmilliybank” aktivlari 79,9 trln. so’mni, kredit portfeli 65,6 trlnn. so’mni, o’z kapitali 13,9 trln. so’mni, jalb qilingan depozitlar 17,2 trln. so’mni tashkil etdi.

Yig’ilishda Bank Kuzatuv kengashining yangi tarkibi tasdiqlandi. Shuningdek, O’zbekiston Respublikasining “Aksiyadorlik jamiyatlari va aksiyadorlarning huquqlarini himoya qilish to’g’risida” gi Qonun talablariga ko’ra “O’zmilliybank” Boshqaruv Raisi hamda Boshqaruv a'zolari bilan tuzilgan mehnat shartnomalarini uzaytirish masalasi ham ko’rib chiqildi. Bank aksiyadorlari bir ovozdan Boshqaruv Raisi va Boshqaruv a'zolari bilan tuzilgan mehnat shartnomalarini uzaytirishni ma'qullashdi.

Shuningdek, yig’ilish davomida “Ernst&Young” MChJ AJ xalqaro auditorilik tashkilotining Bankning 2020 yildagi faoliyati natijalari haqidagi auditorlik xulosasi ham tinglanib, McKinsey & Company xalqaro kansalting tashkiloti bilan hamkorlikda ishlab chiqilgan Bankning 2021-2025 yillar uchun uzoq muddatli strategiyasi hamda Bank faoliyatning transformasiyasi ko’rib chiqildi.

Yig’ilish yakunida Kuzatuv kengashi raisi tomonidan Bank transformasiyasini tasdiqlangan uzoq muddatli strategiya asosida tezlashtirish ichki audit va xatarlarni boshqarish faoliyatini zamonaviy talablarga asosan takomillashtirish, har chorakda Kuzatuv kengashi yig’ilishlarni o’tkazish va Bankning moliyaviy ko’rsatgichlarini oshirish bo’yicha vazifalar belgilab berildi.