O`zekiston Respublikasi va Rossiya Federasiyasi o`rtasidagi mintaqalararo hamkorlik forumi doirasida O`zmilliybank va Sberbank 350 million AQSh dollarlik hamkorlik shartnomasini imzoladi.
Bitim Rossiya Sberbanki bilan yirik loyihalarni hamda kichik biznes va hususiy tadbirkorlik sohasidagi loyihalarni moliyalashtirish bo`yicha hamkorlikni nazarda tutadi. Bundan tashqari, mazkur kelishuv O`zmilliybank mijozlariga Sberbankning keng ko`lamli xizmatlaridan – moliyalashtirishni tuzish, savdoni moliyalash, loyihalarni moliyalashtirish hamda tovar va xizmatlar haridi vaqtida ishonchli va tasdiqlangan etkazib beruvchilarni tanlash uchun Sberbank ma`lumotlar bazasidan foydalanish imkonini beradi.
Ushbu kredit liniyasining afzalligi shundaki, yuqori tekhnologik uskunalar va xizmatlarini etkazib berish, nafaqat, Rossiya balki Sberbankning filiallari tarmog`i mavjud bo`lgan mamlakatlardan (Belarus, Qozog`iston, Turkiya, Shveysariya, Chexiya, Vengriya, Serbiya, Horvatiya, Sloveniya, Bosniya va Gersogovina) ham amalga oshirish imkonini beradi.
Sberbank kredit liniyasi, davlatning kafolatsiz, eksport-kredit agentliklari sug`urta qoplamasi asosida jalb qilinadi.
Rossiya Sberbanki bilan hamkorlik nafaqat kredit resurslarini jalb qilish bilan chegaralanib qolmay, balki Rossiya bankining chakana bank xizmatlari, zamonaviy axborot texnologiyalari va mijozlarga xizmat ko`rsatishdagi eng yahshi amaliyotlarini o`rganish va uni O`zmilliybank tizimiga kiritish imkonini beradigan Sberbank korporativ universitetida O`zmilliybank hodimlarini tayyorlashni o`z ichiga oladi.
OAJ “Rossiya Sberbanki” 1841-yilda tashkil topgan bo`lib, bugungi kunda Rossiya va MDH mamlakatlarida aktivlari bo`yicha 1-o`rindagi bank (418 mlrd. AQSh ollari) va u eng keng bo`linmalar tarmog`iga ega bo`lib, dunyo bo`ylab 110 mln. mijozlariga investision va bank xizmatlarining to`liq spektirini taklif qiluvchi bank hisoblanadi.
“O‘zbekiston Respublikasi Tashqi iqtisodiy faoliyat milliy banki” AJ 1991-yilda tashkil etilgan. Bank ta’sischilari O‘zbekiston Respublikasi Iqtisodiyot va moliya vazirligi hamda O‘zbekiston Respublikasi Tiklanish va taraqqiyot jamg‘armasi bo‘lib, bu uning barqarorligi va mamlakat iqtisodiyoti uchun ahamiyatini tasdiqlaydi.
O‘zbekiston Milliy banki O‘zbekistondagi eng yirik banklardan biri bo‘lib, aktivlari, kredit-investitsiya portfeli va omonatlari hajmi bo‘yicha bank bozorida yetakchi o‘rinni egallaydi. Bank zamonaviy xizmatlar va mahsulotlarni joriy etish, xizmat ko‘rsatish sifatini oshirish, jismoniy shaxslar va tashkilotlar uchun ishonchli hamda qulay moliyaviy yechimlarni ta’minlash orqali mamlakatning moliya tizimini rivojlantirishda muhim rol o‘ynaydi.
4,5 milliondan ortiq mijozlar (jismoniy shaxslar) va 164 mingdan ortiq korporativ mijozlar (yuridik shaxslar) O‘zbekiston Milliy bankiga ishonch bildiradi. www.nbu.uz
01.07.2025
Fitch Kapitalbankning reytingini "Ijobiy" prognoz bilan tasdiqladi
30.06.2025
Kapitalbank investitsiyalari – O‘zbekiston yoshlari kelajagiga sarmoya
24.06.2025
Savdo, fintex va «yashil» loyihalar: Octobank Xitoy bilan hamkorlikni qanday yo‘lga qo‘ymoqda
O`zmilliybank va Rossiya Sberbanki $350 millionlik hamkorlik bitimini imzoladi