2021 yil 1 fevral kuni «O‘zsanoatqurilishbank» ATB va Xususiy sektorni rivojlantirish bo‘yicha Islom korporatsiyasi (XSRIK) o‘rtasida 25 mln. AQSh dollariga teng moliyalashtirish liniyasi to‘g‘risida bitim imzoladi.
Unga ko‘ra, XSRIK «O‘zsanoatqurilishbank»ga kichik va o‘rta biznes (KO‘B) sub'yektlarining investitsion loyihalarini moliyalashtirishning islom usullaridan foydalangan holda moliyalashtirishga ko‘maklashadi.
Tomonlar, shuningdek, bank mutaxassislarining yangi noan’anaviy bank mahsulotlari va xizmatlari haqidagi xabardorligi va amaliy bilimlarini oshirish maqsadida soha mutaxassislari uchun moliyalashtirishning islom usullari (jumladan, Murabaxa - iste’mol krediti) bo‘yicha o‘quv-amaliy dasturlarni birgalikda tashkil etishga kelishib oldilar.
Ushbu bitimning imzolanishi bankda shariat tamoyillari asosida yangi moliyaviy xizmat turlarini joriy etish va ITB guruhining qo‘shimcha moliyaviy resurslarini jalb qilish uchun imkoniyat yaratadi. Shuningdek, joriy yil iyun oyida mamlakatimizda bo‘lib o‘tadigan Islom taraqqiyot banki Boshqaruvchilari kengashining yillik majlisi arafasida boshqa banklar va moliyaviy tashkilotlar hamda islom moliyalashtirish usullari bilan shug‘ullanuvchi investitsion fondlar uchun ham ijobiy belgi hisoblanadi.
Bu «O‘zsanoatqurilishbank»ga XSRIK tomonidan ajratilgan uchinchi moliyalashtirish liniyasidir. Bundan avval korporatsiya tomonidan 2009-2012 yillarda umumiy qiymati 18 mln. AQSh dollarilik ikkita moliyalashtirish kredit liniyasi ajratilgan edi.
Ma’lumot uchun: Xususiy sektorni rivojlantirish bo‘yicha Islom korporatsiyasi (XSRIK) - Islom taraqqiyot banki (ITB) guruhi a’zolaridan biridir. Korporatsiyaning maqsadi - iqtisodiy rivojlanishni qo‘llab-quvvatlash va moliyalashtirish hamda investitsiyalarni taqdim etish orqali a’zo-mamlakatlarda xususiy sektorni rivojlantirishga ko‘maklashishdan iborat. Korporatsiya, shuningdek, KO‘Bni ta’sis etish, kengaytirish va modernizatsiyalashga ko‘maklashish maqsadida hukumatlar va xususiy tashkilotlarga konsultativ xizmatlar ko‘rsatadi.
Bank Axborot xizmati
Toshkent shahrida «Oqlon» texnologiya parki ochildiEhtiyot boʻling! Internetdagi firibgarlik.Bank xodimlari Prezident Murojaatnomasi mazmuni bilan tanishdiOʻzsanoatqurilishbank: yil sarhisobi va istiqbolli rejalar
O‘zsanoatqurilishbank
“O’zsanoatqurilishbank” ATB O’zbеkiston Rеspublikasidagi eng boy tarixga ega moliya muassasalaridan biri sanaladi. Uning tarixi Toshkеntda Sanoatbankning O’rta Osiyo idorasi ochilgan vaqtdan, ya'ni 1922 yildan boshlanadi.
QQS to'lovchining ro'yxatdan o'tish kodi: 326030011774
MFO: 00440
QQS to'lovchining ro'yxatdan o'tish kodi: 326030011774
MFO: 00440
Manba:
Sqb.uz
O'xshash yangiliklar
05.05.2026
Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi
24.04.2026
Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi
23.04.2026
Tashkent City’da Asterium kriptoekotizimining flagman ofisi ochildi. U xavfsizlik, shaffoflik va premial foydalanuvchi tajribasiga urg‘u berilgan yangi makondir.
«O‘zsanoatqurilishbank» ATB va Xususiy sektorni rivojlantirish bo‘yicha islom korporatsiyasi 25 mln. AQSh dollariga teng moliyalashtirish liniyasi to‘g‘risida bitim imzoladi