OAT "Aloqabank"ning filiallar tarmog'i kengaydi.

Poytaxtimizda Ochiq aksiyadorlik-tijorat “Aloqabank”ning yangi “Mirobod” filiali ish boshladi. Ushbu filial Mirobod tumani Nukus ko’chasi 22-uyda joylashgan bo’lib, aholiga va tadbirkorlarga barcha turdagi bank xizmatlarini ko’rsatishga ixtisoslashgan.

Bugungi kunda OAT “Aloqabank”ning Toshkent shahrida, Qoraqalpog’iston Respublikasi va viloyat markazlarida 13 ta filiali, 26 ta minibanki, 101 ta jamg’arma va maxsus kassalari hamda 38 ta valyuta ayirboshlash shoxobchalari orqali iqtisodiyotning real sektorida faoliyat yurituvchi korxona va tashkilotlarga, kichik biznes korxonalariga, xususiy tadbirkorlarga hamda aholiga turli bank xizmatlari ko’rsatib kelinmoqda.

Bank o‘z filiallari va mini-banklarni ochish orqali ko‘rsatiladigan xizmatlardan ko‘proq aholi va tadbirkorlar foydalanishi, vaqt va mablag‘ sarfini kamaytirish maqsadida o‘z faoliyati ko‘lamini kengaytirmoqda.