Octobank — O‘zbekistonda rasmiy baholangan ilk brend. 2024 yil yakunlariga koʻra, Octobank brendi $30 mln (2025 yil 17 martdagi Markaziy bank kursi boʻyicha 388 mlrd soʻm) etib baholandi. Hisob-kitob Marketing assotsiatsiyasi va Raqobatni rivojlantirish hamda iste’molchilar huquqlarini himoya qilish qoʻmitasi tomonidan tashkil etilgan Brand Awards International mukofoti doirasida amalga oshirildi.
Hisob-kitob uchun «Royaltilardan ozod qilish» usuli qoʻllanildi. U daromad prognozini, oʻrtacha bozor royalti stavkasini va shaxsiy tavakkalchiliklarga moslashtirilgan chegirma stavkasini hisobga oladi.
«Octobank — Oʻzbekistonda oʻz qiymatini baholagan birinchi brend. Bu bozor uchun muhim voqea. Bank jadal oʻsishni, innovatsion yondashuv va yuqori xizmat sifatini namoyon etdi, bu uning brendida ham aks etmoqda», — dedi Marketing assotsiatsiyasi boshqaruvi raisi Diyor Mirzaahmedov.
«Brend qiymati mijozlar bizga va mahsulotlarimizga qay darajada ishonishini tushunishga yordam beradi. Natija xush kayfiyat bagʻishlaydi, lekin bu faqat boshlanishi. Octobank rivojlanishda davom etadi, eng yaxshi moliyaviy yechimlarni taklif etadi va bozordagi pozitsiyasini mustahkamlaydi», — dedi Octobank Marketing boshqarmasi boshlig‘i Muhammad Alinazarov.
Brend qiymatini baholash quyidagilarga yordam beradi:
• Investorlarni jalb qilish.
• Marketing faoliyati samaradorligini baholash.
• Raqobatchilar orasida ajralib turish.
Brend baholash va Brand Awards International mukofoti haqida batafsil ma’lumot marketing.uz saytida.
Raqobatni rivojlantirish va iste’molchilar huquqlarini himoya qilish qoʻmitasi — antimonopol qonunchilik nazorati, iste’molchilar huquqlarini himoya qilish va raqobatni tartibga solish uchun javobgar davlat organi.
Oʻzbekistonning Marketing assotsiatsiyasi — marketing industriyasini rivojlantirish bilan shugʻullanuvchi tashkilot.
Octobank — texnologik bank boʻlib, 20 yildan ortiq vaqt mobaynida mijozlarga qulay va sifatli servis taqdim etib kelmoqda. Bankning mijozlar bazasi 3 milliondan ortiq jismoniy shaxslar va 2500 dan ortiq korporativ mijozlarni oʻz ichiga oladi.
“Octobank” aksiyadorlik jamiyati 2001 yil iyun oyida asos solingan. 2001 yil 23 iyunida Bank tomonidan bank operatsiyalarini amalga oshirish huquqini beruvchi 70-sonli litsenziya olingan. 2002 yil noyabridan Bank Fuqarolarning O'zbekiston Respublikasi banklaridagi omonatlarini kafolatlash Fondi, “Toshkent” fond birjasi, hamda O'zbekiston Respublikasi Banklar assotsiatsiyasi a'zosi hisoblanadi.
Hozirgi paytda Bank asosiy e'tiborni quyidagilarga qaratmoqda:
- Mijozlarga xizmat ko'rsatishda bir xil yondashuvga amal qilish;
- Xizmat ko'rsatish texnologiyalarini zamonaviylashtirib borish;
- Xizmat ko'rsatish sifatini oshirib borish;
- Har bir mijozga alohida yondoshgan holda standart texnologiyalarni tadbiq etib borish;
- Shaxsiy menedjerlar xizmatlarini tashkil etish;
- Mijoz bilan Bank bo'linmalari o'rtasida munosabatlarning samaradorligini oshirib borish;
- O'zgaruvchan tarif siyosatini olib borish, mijozlar bilan hamkorlik munosabatlarini mustaxkamlash.
Bankning yaqin 5 yilga mo'ljallangan strategik rivojlanish dasturining ustivor yo'nalishlaridan biri filiallar va mini-banklar ochish orqali bank infratuzilmasini kengaytirishdan iborat.
Bank infrotuzilmasini kengaytirish dasturining amalga oshirilishi Bank faoliyati ko'lamining barqaror o'sib borishini ta'minlaydi. Bunda Bank asosiy e'tiborni kichik biznes va xususiy tadbirkorlik sub'ektlarini moliyalashtirishga qaratadi.
01.04.2025
Octobank «Barqaror» prognoz bilan Moody’s xalqaro kredit reytingiga sazovor bo‘ldi
27.03.2025
Octobank Oʻzbekistondagi onlayn-nashrlarda yoritilishi bo'yicha TOP-5 bank qatoriga kirdi
27.03.2025
Uzum ekotizimi 300 milliard so‘mlik obligatsiyalarning ilk chiqarilishini ro‘yxatdan o‘tkazdi
Octobank brendining qiymati 30 million AQSh dollarini tashkil qildi