Омонатчиларимиз учун қулайлик

Ҳурматли “Ипотека-банк” омонатчилари!

Жорий йилнинг 1 апрелидан бошлаб омонат муддати якунланаётган омонатчиларга (online омонатлар бундан мустасно), банкимиз томонидан бир томонлама омонатлар муддатини икки ойга (апрел, май ойида муддати келадиган омонатлар)  узайтириш имконияти тақдим қилинганини маълум қилган эдик.

 Эндиликда бу яратилган имконият миллий валютадаги омонатлар билан биргаликда хорижий валютадаги омонатларга ҳам тегишли эканлигини маълум қиламиз!

Бунда Сиз,

• банкка келиб, ариза тўлдиришингизга ҳожат йўқ;
• узайтирилган муддат учун ҳам омонат фоизлари шартномада кўрсатилган ставкаларда сақлаб қолинади ва фоизлар ҳисобланишда давом эттирилади;
• Сиз, карантин шартлари тугаганидан кейин исталган даврда келиб омонатингизни олишингиз мумкин бўлади ва ушбу давр учун ҳисобланган фоизлар ҳам қўшиб тўланади.