JET: Qaysi avtomobillarni muddatli to'lovga olish mumkin? Batafsil

Президент маслаҳатчиси Сума Чакрабарти банк тизимидаги ислоҳотлар билан танишди

03.11.2020

2020 йил 2 ноябрь куни Марказий банк раиси Мамаризо Нурмуратов мамлакатимиз Президентининг иқтисодий ривожланиш, самарали бошқарув ва халқаро ҳамкорлик масалалари бўйича маслаҳатчиси Сума Чакрабарти билан учрашди. Учрашувда Марказий банк раиси меҳмонга жорий пул-кредит сиёсати ва мамлакат банк тизимида олиб борилаётган ислоҳотлар билан таништирди. Таъкидланганидек, дунёнинг етакчи иқтисодиётларини қамраб олган коронавирус пандемиясига қарамай регулятор ислоҳотларни аввал тасдиқланган чора-тадбирлар режасига мувофиқ давом эттирди. Шу билан бирга, Марказий банк пандемия туфайли дунёда юзага келган вазиятдан келиб чиқиб, “Пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари”ни тасдиқлади. Унга кўра, макроиқтисодий ривожланиш уч хил – асосий, оптимистик ва хатарли сценарий асосда ишлаб чиқилди. Мулоқот давомида банк тизимини ислоҳ қилиш соҳасида ҳамкорликни кенгайтириш масалаларига алоҳида эътибор қаратилди. Хусусан, биринчи босқичда корпоратив бошқарувни яхшилаш орқали банк тизимини трансформация қилиш, иккинчи босқичда банкларни молиявий соғломлаштириш бўйича комплекс чора-тадбирлар амалга оширилиши қайд этилди. Шундан кейингина давлат улушини сотиш орқали босқичма-босқич хусусийлаштириш кўзда тутилмоқда. Ушбу жараёнда бошланган таркибий ўзгаришларни давом эттириш учун салоҳиятли стратегик инвесторларни жалб қилишга устувор аҳамият қаратилади. Сума Чакрабарти Марказий банкнинг монетар сиёсати ва банк тизимида амалга ошираётган ишларига юқори баҳо берди ҳамда режалаштирилган ислоҳотларда ҳамкорлик қилишга тайёр эканлигини маълум қилди.

Manba: cbu.uz

O'xshash yangiliklar

30.10.2024

Uzum Bank O‘zbekiston Respublikasining barcha fuqarolari uchun Visa kartalarini rasmiylashtirishni boshladi

25.10.2024

Kapitalbank Uzcard versiyasiga ko'ra korporativ biznesni rivojlantirish bo'yicha yetakchiga aylandi

24.10.2024

Plum Tech UZCARD EXPO 2024 da: moliyaviy imkoniyatlarni o‘zgartiruvchi texnologiyalar

Президент маслаҳатчиси Сума Чакрабарти банк тизимидаги ислоҳотлар билан танишди

Bank.uz dagi barcha mahsulotlar

Omonatlar

Kreditlar

Avto kredit

Mikroqarz

Ipoteka

Kartalar

Biznes

Sug'urta

Tashkilotlar

Filial va bankomatlar

Valyutalar kursi

Boshqalar

Bank.uz ilovasini o'rnatish