Paynet xalqaro strateglardan iborat kuzatuv kengashini shakllantirganini rasman e’lon qildi. Batafsil

“Qishloqqurilishbank” yangi xizmat ko‘rsatish belgisiga ega bo‘ldi

30.12.2017

Aksiyadorlik tijorat “Qishloqqurilishbank” O‘zbekiston Respublikasi Prezidentining 2009 yil 30 martdagi Qaroriga asosan OATB “G‘allabank” negizida tashkil etilgan. Qarorga ko‘ra, uy-joy-kommunal, ijtimoiy soha va qishloq aholi punktlarini obodonlashtirish borasidagi ehtiyojlarni amalga oshirishda aholi hamda yuridik shaxslarga kredit berish va bank xizmati ko‘rsatish, qishloq joylarda tasdiqlangan namunaviy loyihalar bo‘yicha uy-joylar, ishlab chiqarish va ijtimoiy infratuzilma ob’ektlarini qurish hamda ta’mirlashni amalga oshiradigan ixtisoslashtirilgan pudrat tashkilotlarga kredit berish va lizing xizmatlarini ko‘rsatish, universal tijorat banki sifatida yuridik va jismoniy shaxslarga qonun hujjatlarida belgilangan tartibdagi boshqa kompleks bank xizmatlarini ko‘rsatish mazkur bankning asosiy vazifalari etib belgilangan.

Bugungi kunda bank tizimida 42 ta filial, 40 ta minibank va 231 ta shaxobchalar orqali 837 mingdan ortiq mijozlarga keng ko‘lamli bank xizmatlari ko‘rsatib kelinmoqda. 2018 yilning 1 yanvar holatiga, bankning sof aktivlari 6 647,1 mlrd. so‘mni, bank umumiy kapitali 1168,3 mlrd. so‘mni, kredit portfeli esa 5 736,4 mlrd. so‘mni tashkil etdi.

Bank Kengashi qaroriga muvofiq, ATB “Qishloqqurilishbank”ning yangi xizmat ko‘rsatish belgisi (logotip) tasdiqlandi. Bankning xizmat ko‘rsatish belgisida uning asosiy faoliyat yo‘nalishlari va missiyasi o‘z aksini topgan. Xususan, pul birligini yodga soladigan beshta gorizontal chiziqlar bank tomonidan qishloq rivoji uchun kiritilayotgan sarmoyalarni anglatadi.

qqb original.jpg

Bankning yangi xizmat ko‘rsatish belgisi ATB “Qishloqqurilishbank”ning zamonaviy va qulay xizmatlar ko‘lamini kengaytirish orqali O‘zbekiston bank-moliya tarmog‘ida mustahkam o‘rin egallab, tobora moliyaviy yuksalib borayotganini ifodalaydi.

Bank axborot xizmati

BRB
O'xshash yangiliklar
Paynet xalqaro strateglardan iborat kuzatuv kengashini shakllantirganini rasman e’lon qildi.

07.05.2025

Paynet xalqaro strateglardan iborat kuzatuv kengashini shakllantirganini rasman e’lon qildi.

Octobank «2024 yilda O‘zbekiston bank sohasida jadal taraqqiyot uchun» mukofotiga sazovor bo‘ldi

06.05.2025

Octobank «2024 yilda O‘zbekiston bank sohasida jadal taraqqiyot uchun» mukofotiga sazovor bo‘ldi

«Kapitalbank» ATB rahbariyat tarkibini kadrlar zaxirasi hisobidan kengaytirmoqda

05.05.2025

«Kapitalbank» ATB rahbariyat tarkibini kadrlar zaxirasi hisobidan kengaytirmoqda



Orphus tizimi