Yil boshidan "Hamkorbank" OATB depozitlari yangi omonatlar bilan boyitildi. Bank tomonidan 4 ta milliy valyutada: "Yuksalish", "Imkon", "Qulay", "Oila xazinasi-2" va bitta chet el valyutasida(multivalyuta) - "Smart" omonat turlari joriy etildi.
"Yuksalish" omonatiga mablag’lar 6 oyga qabul qilinib, unga hisoblangan ustama foizlar omonatchi xohishiga ko’ra, har 3 oyda yoki omonat muddati yakunida beriladi.
"Imkon" omonatiga mablag’lar 9 oyga joylashtirilishi belgilangan. Bu depozitga to’langan foizlarni omonatchi har oyda yoki omonat hisobvarag’i yopilganda olishi mumkin.
"Qulay" omonatida mablag’lar 3 oy muddat davomida saqlanib, depozit bo’yicha hisoblangan ustama foizlarni omonatchi o’z xohishiga binoan oyma-oy yoki omonat hisobvarag’i yopilganda oladi.
"Oila xazinasi-2" omonatining saqlanish muddati 12 oyni tashkil qilib, ushbu muddat davomida depozitga omonatchi tomonidan shartnoma asosida kirim yoki chiqim qilinishiga imkoniyat yaratilgan. Mazkur omonatga hisoblangan ustama foizlar esa uning amal qilish muddati yakunida to’lanadi.
"Smart" nomli xorijiy valyutadagi (multivalyuta) omonatiga mablag’lar AQSh dollarida cheklanmagan miqdorda 3 oy muddatga qabul qilinadi. Mazkur depozitga hisoblangan ustama foiz to’lovi milliy valyutada oyma-oy yoki omonat muddati yakunida beriladi.
"Hamkorbank" OATBda depozit hisobvarag’lariga joylashtirilgan pul mablag’lari "Fuqarolarning banklardagi omonatlarini himoyalash kafolatlari to’g’risida"gi O’zbekiston Respublikasi Qonuniga muvofiq davlat tomonidan himoyalangan. Omonatlar soliq va majburiy to’lovlardan ozod qilinadi, mablag’lar manbalari deleratsiya qilinmaydi va bank siri hisoblanadi.
"Hamkorbank" beshta yangi omonat turini joriy qildi