O'zbekistondagi banklarning qo'llab-quvvatlash xizmatlari reytingi Batafsil

"Mikrokreditbank" moliyalashtirgan korxona eksportbop issiqxona konstruksiyalari ishlab chiqarmoqda

25.05.2021
25.05.2021
    Bugungi jahon xoʼjaligiga integrallashuv jarayonlarida import oʼrnini bosish siyosatini amalga oshirish har qanday mamlakat uchun iqtisodiy xavfsizlik va barqarorlikni taʼminlashning majburiy chorasiga aylanib bormoqda. Zero, bu siyosatni toʼgʼri va samarali yoʼlga qoʼyish mamlakatning importga bogʼliqlik darajasini kamaytirib, iqtisodiy barqarorlikka erishish imkoniyatini vujudga keltiradi. 
 
   Bugungi kunda “Mikrokreditbank” АTB tomonidan moliyalashtirilayotgan loyihalar ulushida import oʼrnini bosuvchi va eksport uchun mahsulot ishlab chiqarishga moʼljallangan loyihalar salmogʼi oshib bormoqda.
 
   Xususan, “Mikrokreditbank” АTB tomonidan “Agrocon Greenhouse System Xorazm” MChJ shaklidagi qoʼshma korxonasining yiliga 150 gektar maydonga zamonaviy tipdagi issiqxona konstruksiyalari ishlab chiqarish va 3000 tonna qurilishda foydalaniladigan metal mahsulotlari ishlab chiqarish quvvatiga ega loyihasi 2020-yilning 2-choragida moliyalashtirilgan edi. 
 
    Mazkur loyihaning umumiy qiymati 7,0 mln. АQSh dollari boʼlib, 3,5 mln. АQSh dollari “Mikrokreditbank” АTB xorijiy kredit liniyalari hisobidan moliyalashtirilgan boʼlsa, 3,5 mln. АQSh dollari miqdoridagi mablagʼlar korxonaning turkiyalik investori mablagʼlari hisobidan amalga oshirilmoqda. 
 
    Buxoro va Xorazm viloyatida tashkil etilgan issiqxona kompleksi tashabbuskorlari mazkur zamonaviy issiqxona konstruksiyalari xorijiy korxonalardan chet el valyutasida import hisobiga olib kelinayotgan konstruksiyalardanda sifatli ekanligini hamda ushbu mahsulotlarni korxonadan milliy valyutada sotib olish afzalliklarini eʼtirof etishdi. 
 
   “Agrocon Greenhouse System Xorazm” MChJ shaklidagi qoʼshma korxonasi tomonidan mazkur loyiha ishga tushirilishi natijasida import oʼrnini bosuvchi zamonaviy tipdagi issiqxona konstruksiyalari ishlab chiqarish bilan birga, eksport uchun mahsulotlar ishlab chiqarilishiga ham erishilmoqda.
 
   Quvonarlisi, korxona 2021-yilning oʼtgan davri mobaynida qoʼshni Tojikiston Respublikasiga zamonaviy tipdagi issiqxona kompleks uskunalari yetkazib berish boʼyicha rasmiylashtirilgan umumiy qiymati 1,6 mln АQSh dollari miqdoridagi shartnomalar boʼyicha oʼtkazilgan mablagʼlar hisobiga dastlabki mahsulotlarni joʼnatishga erishdi.
 
   Bugungi kunda Prezidentimiz Sh.Mirziyoev tomonidan aholi tomorqasidan samarali foydalanish, ishsiz aholini ish bilan taʼminlash, ayniqsa, yoshlar va xotin-qizlar bandligini taʼminlash har tomonlama qoʼllab-quvvatlanayotgan davrda “Agrocon Greenhouse System Xorazm” MChJ shaklidagi qoʼshma korxonasi tomonidan aholi tomorqasi va dehqon xoʼjaliklari uchun ixcham va energotejamkor issiqxona konstruksiyalari ishlab chiqarilayotganligi loyihaning bugungi kundagi afzalliklaridan biri hisoblanadi.
 
Otabek ORTIQOV,
“Mikrokreditbank” АTB 
Investitsiya loyihalarini 
moliyalashtirish departamenti 
boʼlim boshligʼi
Mikrokreditbank “Mikrokreditbank” aksiyadorlik-tijorat banki Oʼzbekiston Respublikasi Prezidentining 2006-yil 5-maydagi “Mikrokreditbank” aksiyadorlik-tijorat bankini tashkil etish toʼgʼrisida”gi PF-3750-sonli Farmoni asosida tashkil etildi.Bank xalqaro moliyaviy institutlar hamda chet el tijorat banklari bilan hamkorlik aloqalarini oʼrnatgan.
O'xshash yangiliklar
Коррупцияга қарши комплаенс-назорат тизими фаолиятини такомиллаштиришга қаратилган семинар

23.08.2021

Коррупцияга қарши комплаенс-назорат тизими фаолиятини такомиллаштиришга қаратилган семинар

cbu.uz

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

20.08.2021

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

cbu.uz

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

20.08.2021

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

cbu.uz



Orphus tizimi