JET: Hamster Kombat savdosi boshlandimi? Batafsil

"O‘zmilliybank" AJ va Visa Internationaldan "Yashil aksiya"

19.10.2020

Yaqinda "O'zmilliybank" AJning Visa International xalqaro to'lov tizimi bilan komissiyasiz Visa Direct oʻtkazmalari bo'yicha qo'shma aksiyasi yakunlangan edi. Biroq Bank Visa bilan hamkorlikda navbatdagi sovrinli qo'shma aksiyani boshlab yubordi.

Yangi aksiya O‘zmilliybankning Visa kartalari egalari o‘rtasida 2020 yil 15 oktabrdan 2021 yil 31 martgacha o‘tkaziladi. Unda Visa to‘lov kartalarining barcha turlari jalb qilingan - Virtual, Classic, Gold, Platinum, Milliy Bank-MAK Visa Gold kobrend kartasi, Milliy Bank-MAK Visa Platinum kartasi, Infinite.

Aksiyaning har oylik o‘yinlarida ishtirok etish uchun karta egalari 10 va undan ortiq AQSh dollari miqdoridagi qiymatga tranzaksiyalarni amalga oshirishi kerak. Bu savdo-servis korxonalari terminallarida yoki internet tarmog‘ida tovarlar / xizmatlar uchun to‘lovlar, boshqa bankka Visa Direct servisi yordamida o‘tkazmalar bo‘lishi mumkin. Aksiyada bankomatlar va terminallar orqali naqd pul mablag‘larining konversiyalari va yechib olinishlari bo‘yicha tranzaksiyalar hisobga olinmaydi. Aksiya g‘oliblari Random.org servisi yordamida aniqlanadi.

Oraliq aksiyalarda quyidagi sovrinlar o‘ynaladi:

1-o‘rin - elektromoped;

2-o‘rin - elektrovelosiped;

3-o‘rin - sportzalga abonement;

4-o‘rin - velosiped;

5-o‘rin - giroskuter.

Aksiya o‘tkazish davrining yakunida bosh sovrin - elektromobil o‘ynaladi. Aksiya boshlanishidan boshlab 100 va undan ortiq AQSh dollari qiymatida tranzaksiyalarni amalga oshirgan O‘zmilliybank Visa kartalarining egalari o‘yin ishtirokchisi bo‘ladi.

Aksiyani tayyorlashda va sovrinlarni tanlashda siyqasi chiqqan noutbuklar, planshetlar va smartfonlardan biroz chetlashishni istadik. 21 asr uchun sog‘lom turmush tarzi mavzusi so‘zsiz dolzarb hisoblanadi, chunki ekologiya yomonlashishi tendensiyalari, zamonaviy turmushning sur’atlari odamlarning salomatligiga salbiy ta’sir ko‘rsatadi. Shuning uchun hozirgi kunda mamlakat aholisini va ayniqsa yoshlarni sport bilan shug‘ullanishga qiziqtirish, sog‘lom turmush tarzini targ‘ibot qilish, ekologik madaniyat va atrof-muhitni muhofaza qilish juda muhim hisoblanadi.

Shunday qilib, ekologiyani saqlash, sportni va sog‘lom turmush tarzini qo‘llab-quvvatlashga o‘zimizning katta bo‘lmasada o`z hissamizni qo‘shish g‘oyasi tug‘ildi. Yuqorida sanab o‘tilganlarning bir timsoli sifatida ajoyib mukofotlar bilan "Yashil aksiya" paydo bo‘ldi.

O‘zmilliybank barchani aksiyada ishtirok etishga taklif qiladi va omad tilaydi!

NBU O‘zbekiston Respublikasi Tashqi iqtisodiy faoliyat milliy banki mamlakatimiz birinchi Prezidenti I.Karimovning 1991 yil sentabrdagi Farmoni bilan tashkil etilgan.

O‘zbеkiston Rеspublikasi Prеzidеntining “O‘zbеkiston Rеspublikasi Tashqi iqtisodiy faoliyat milliy banki” unitar korxonasini aksiyadorlik jamiyati shaklida qayta tashkil etish chora-tadbirlari to‘g‘risida”gi 2019 yil 30 noyabrdagi PQ-4540-sonli qaroriga asosan O‘zmilliybank aksiyadorlik jamiyati shaklida qayta tashkil etildi.

Moliya vazirligi va O‘zbеkiston Rеspublikasi Tiklanish va taraqqiyot jamg‘armasi davlat nomidan «Milliy bank» AJning ta’sischisi hisoblanadi.
Manba: NBU
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi