ATB "Qishloq qurilish bank" o’z mijozlariga ko’rsatiladigan xizmatlarning imkoniyatlarini oshirish maqsadida xorijiy moliya-kredit muassasalari, jumladan, Rossiya Federatsiyasi tijorat banklari bilan ikki tomonlama munosabatlarni rivojlantirishga harakat qilmoqda.
Xususan, joriy yilning oktyabr oyida Rossiyaning ommaviy aksiyadorlik jamiyati shaklidagi "AK BARS" aksiyadorlik tijorat banki bilan Hadli bitim imzolandi. Mazkur bitim doirasida ATB "Qishloq qurilish bank" savdoni moliyalashtirish operatsiyalari uchun 365 kungacha muddatga 3,5 mln. AQSh dollari miqdorida kredit liniyasi ochildi. Ushbu liniya bo’yicha moliyalashtirish ATB "Qishloq qurilish bank" mijozlarining AQSh dollari, yevro va Rossiya rubli kabi valyutalarda tuzilgan import va eksport shartnomalari uchun taqdim etiladi. Import shartnomalari bo’yicha bitimlarni moliyalash doirasida Rossiya ishlab chiqaruvchilari eksportchi sifatida ishtirok etishlari kerak.
Shu bilan birga, xom ashyo bilan bog’liq bo’lmagan import kontraktlarni moliyalashtirish zarurati tug’ilsa va bunda siyosiy hamda kredit risklari "EKSAR" AJ tomonidan sug’urta qilinadigan bo’lsa, moliyalashtirish summasi 35 million AQSh dollarigacha oshirilishi mumkin.
Savdoni moliyalashtirishdan tashqari, yaqin kelajakda ATB "Qishloq qurilish bank" va Rossiya moliya instituti o’rtasida vakillik munosabatlari o’rnatilishi ham kutilmoqda.
Bunday hamkorlik aloqalari mijozlarning bank xizmatlariga bo’lgan extiyojlarini to’la qondirishga, shuningdek, banklar daromadlari va ikki mamlakat o’rtasidagi mahsulot ayirboshlash hajmining oshishiga katta imkoniyat yaratadi.
04.09.2024
1-yarim yillik yakuniga ko‘ra, Kapitalbankning sof foydasi 775 milliard so‘mdan oshdi.
19.08.2024
Moneysend bilan Mastercard kartalariga tezkor pul o‘tkazmalari!
16.08.2024
ZOOD Mastercard va Ipak Yo‘li Banki bilan birgalikda O‘zbekistonda birinchi muddatli to‘lov virtual kartasini taqdim etadi
Rossiya banki bilan Hadli bitim imzolandi