JET: Kartadan kartaga 200 million so'mni komissiyasiz o'tkazish mumkinmi? Batafsil

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

Xalqaro reyting agentligi ekspertlari taniqli brend, yuqori sifatli raqamli xizmatlar va IT infratuzilmasiga izchil sarmoya kiritilishini, bu esa o'z navbatida Kapitalbank uchun o‘sish sur’atlarini saqlab qolish va O‘zbekiston moliya bozoridagi ulushini oshirish imkonini berishini ta’kidladilar.

“S&P Global Ratings” “Kapitalbank”ning uzoq muddatli kredit reytingini “B+” darajasiga ko‘tardi, reyting prognozi “Barqaror”, bankning qisqa muddatli kredit reytingi “B” darajasida qoldi. Shu bilan birga, xalqaro ekspertlar asosiy moliyaviy ko‘rsatkichlar bo‘yicha, "Kapitalbank" brendining mashhurligi va ish samaradorligi mamlakatdagi boshqa banklarga qaraganda kuchliroq mavqega ega ekanligi ham ta’kidladilar.*

“2024-yil iyun holatiga ko‘ra, “Kapitalbank” chakana kreditlash bozorining 11,5 foizini va chakana omonatlar bozorining qariyb 20 foizini egallaydi. Biz bank texnologiyalarni rivojlantirishga sarmoya kiritishda davom etishini va O‘zbekiston moliya bozorida innovatsiyalar bo‘yicha yetakchilikni saqlab qolishini kutib qolamiz. Chakana savdo segmentida ham, kichik va o'rta biznes (KO'B) segmentlarida ham qo'shimcha rivojlanish imkoniyatlari bankning Uzum ekotizimiga integratsiyalashuvi orqali yuzaga keladi. Bularning barchasi raqobat kuchayganiga qaramay, bankning bozor ulushini yanada kengaytirishga zamin yaratadi”, — deyiladi S&P Global Ratings hisobotida.

━ Bankning xalqaro reytinglardagi o‘rnining o‘sishi, birinchi navbatda, strategiyamizning to‘g‘riligini anglatadi – “Kapitalbank” xususiy mijozlar va tadbirkorlar uchun raqamli bank xizmatlarini rivojlantirishga faol sarmoya kiritmoqda, ━ deydi ATB “Kapitalbank” boshqaruvi raisi Kirill Mayevskiy ━ Raqamli rivojlanishga kiritgan sarmoyamizning dastlabki natijalarini allaqachon ko‘ryapmiz. Birinchidan, yangi mijozlarni – ham fuqarolarni, ham biznes vakillarini—mamlakatning turli burchaklaridan jalb qilish. Ikkinchidan, operatsion samaradorlikni sezilarli darajada oshirish.

S&P Global Ratings prognoziga ko'ra, bank har yili kredit portfelini 30-40 foizga oshirish va kichik va o'rta biznes (KO'B) uchun xizmatlarni rivojlantirishni davom ettiradi, bu esa yiliga 35-38 foiz daromad o'sishini ta'minlaydi. Yuqori operatsion samaradorlik tufayli xarajatlarning daromadga nisbati 40-45%, o'z kapitalining rentabelligi esa taxminan 40% bo'lishi kutilmoqda.

“Kapitalbank” mamlakatdagi eng yirik xususiy bank hisoblanadi. Bank mijozlari orasida 2 milliondan ortiq O‘zbekiston fuqarolari hamda 67 mingdan ortiq kompaniya va tadbirkorlar bor. Respublikamizning barcha hududlarida “Kapitalbank”ning 100 dan ortiq filial va ofislari faoliyat ko‘rsatmoqda.

* Taqqoslash uchun S&P tahlilchilari ATB “Hamkorbank” va ATB “Ipoteka-bank” ning ko’rsatkichlarini ham ko‘rib chiqdilar.

“S&P Global Ratings” xalqaro agentligi haqida

“S&P Global Ratings” xalqaro agentligi—global moliyaviy hamdaTovar xom-ashyo bozorlari, avtomobil sanoatida faoliyat olib boruvchi tashkilotlarga kredit reytinglari, etalon ko’rsatkichlari, tadqiqotlar o’tkazish va biznes yechimlarini taqdim etuvchi yetakchi global kompaniya bo‘lgan S&P Global (NYSE: SPGI)ning tarkibiga kiradi.

Kapitalbank "Kapitalbank" aksiyadorlik tijorat banki 2001-yilda tashkil topgan. Faoliyat ko‘rsatishni boshlagandan buyon bank jadal sur'atlarda rivojlandi. Korporativ mijozlarga xizmat ko‘rsatish sohasi bilan bir qatorda chakana segmentda ham yuqori o‘sish sur'atlariga erishdi. Hozirda "Kapitalbank ATB" O‘zbekistonning eng yirik tijorat banklaridan biri, universal va ishonchli moliya instituti hisoblanadi. Bank to‘liq hajmda yuqori sifatli zamonaviy bank xizmatlarini ko‘rsatadi, o‘z mijozlari va sheriklarining barcha ehtiyoj va xohish-istaklarini imkon qadar qoniqtirishga intiladi.
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi

Kapitalbank va Germaniyaning Commerzbanki o‘rtasida strategik hamkorlik to‘g‘risidagi memorandum imzolandi
Kapitalbank va Germaniyaning Commerzbanki o‘rtasida strategik hamkorlik to‘g‘risidagi memorandum imzolandi



Orphus tizimi