JET: Hamster Kombat savdosi boshlandimi? Batafsil

S&P Global Ratings xalqaro reyting agentligi “Kapitalbank” ATB reytingini «Barqaror» prognozini B darajasida ekanligini tasdiqladi

S&P Global Ratings reyting agentligi tahlilchilari “Kapitalbank” ATB va uning keng hududiy filiallar tarmog‘ining yuqori brend darajasida  tan olinishi, shuningdek, bankning chakana biznesga e’tibor qaratayotgani va uning mamlakat moliya tizimi uchun ahamiyatli ekanini ta’kidladi. 

Mutaxassislar bankdan kichik va o‘rta biznes va chakana mijozlarga xizmat ko‘rsatishga ixtisoslashgan mamlakatning eng yirik xususiy banki sifatida mustahkam bozor mavqeini saqlab qolishi, shu bilan birga hududlarda sezilarli mavqega ega bo’lishi va taniqli brend darajasini saqlab qolishni kutmoqdalar.

Ushbu omillar, shuningdek, xatarlarni malakali boshqarish, yuqori operatsion samaradorlik va xizmatlarni faol raqamlashtirish “Kapitalbank” ATBga daromad olish va biznesini kengaytirish bo‘yicha yuqori qobiliyatni saqlab qolish imkonini beradi.

Biz uchun nafaqat mamlakatimizning barcha hududlaridan kelgan xususiy foydalanuvchilar va tadbirkorlar uchun qulay bank xizmatlarini taqdim etish, balki jadal o‘sish sharoitida bankning ishonchliligi va barqarorligini ta’minlash ham muhimdir, – deydi “Kapitalbank” ATB Boshqaruvi raisi Kirill Mayevskiy. — Xalqaro ekspertlar to‘g‘ri ta’kidlab o’tganlaridek, kichik va o‘rta biznesni qo‘llab-quvvatlash, shuningdek, bank mahsulotlarini jadal raqamlashtirish bizga ulkan maqsadlarga erishish, mijozlarga eng qulay va sifatli xizmat ko‘rsatish imkonini beradi.

Bugungi kunda “Kapitalbank”ATB aktivlar bo‘yicha mamlakatning eng yirik xususiy banki bo‘lib, bank mijozlari 1,6 milliondan ortiq jismoniy shaxslar va 50 mingdan ortiq tadbirkorlarni o‘z ichiga oladi. Mamlakatimizning barcha hududlarida 100 dan ortiq bank filiallari faoliyat yuritmoqda.

“Kapitalbank” ATB mamlakatimizda birinchilardan bo‘lib bankomatlar tarmog‘ini modernizatsiya qildi va bugungi kunda bankning barcha bankomatlari milliy va xalqaro to‘lov tizimlaridagi kartalarni qabul qiladi.

S&P Global Ratings haqida

S&P Global Ratings global moliyaviy, xom-ashyo va avtomobil sanoati bozorlariga faoliyat yurituvchi tashkilotlarga kredit reytinglari, etalon ko’rsatkichlari, tadqiqot va biznes yechimlarini taqdim etuvchi yetakchi xalqaro kompaniya hidoblanuvchi  S&P Global (NYSE: SPGI) tarkibiga kiradi.
S&P Global tomonidan taqdim etilayotgan mahsulot va xizmatlar koʻplab yetakchi xalqaro kompaniyalarga iqtisodiy holatlarni  yoʻlga qoʻyish va kelajakni ishonch bilan rejalashtirishda yordam beradi.
Kapitalbank "Kapitalbank" aksiyadorlik tijorat banki 2001-yilda tashkil topgan. Faoliyat ko‘rsatishni boshlagandan buyon bank jadal sur'atlarda rivojlandi. Korporativ mijozlarga xizmat ko‘rsatish sohasi bilan bir qatorda chakana segmentda ham yuqori o‘sish sur'atlariga erishdi. Hozirda "Kapitalbank ATB" O‘zbekistonning eng yirik tijorat banklaridan biri, universal va ishonchli moliya instituti hisoblanadi. Bank to‘liq hajmda yuqori sifatli zamonaviy bank xizmatlarini ko‘rsatadi, o‘z mijozlari va sheriklarining barcha ehtiyoj va xohish-istaklarini imkon qadar qoniqtirishga intiladi.
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi