Samarqand viloyatining aholisi Xalq banki xizmatlaridan yanada kengroq foydalanish imkoniyatiga ega bo‘ldi. Gap shundaki, Samarqand viloyatining Pastdarg‘om filialiga qarashli “Tinchlik” hamda Temiryo‘l filialiga qarashli “Afrosiyob” bank xizmatlari markazlari foydalanishga topshirildi.

Barcha qulayliklarga ega ushbu markazlarda endilikda jismoniy va yuridik shaxslarga keng ko‘lamli bank hamda konsalting xizmatlari ko‘rsatiladi. Bu yerda, shuningdek, milliy valyutadagi “Uzcard” va “Humo” plastik kartalaridagi mablag‘larni naqdlashtirish, valyuta ayirboshlash, kommunal, uyali aloqa operatorlari, internet va boshqa xizmatlar uchun to‘lovlarni amalga oshirish bilan birga, jismoniy shaxslar uchun qulay shartlarda mikroqarz, overdraft va boshqa kreditlarni rasmiylashtirish imkoniyati yaratilgan.

Bank Axborot xizmati