Xalq bankining xorijiy hamkorlari safiga “Sovkombank” ham qo‘shildi! Rossiya moliya bozorida yetakchilardan biri hisoblangan ushbu muassasa aktivlari 1,5 trln. rublga teng. 2334 ta filial va mini-ofisi mavjud. 17 ming nafar xodimi bor. Shu ma’noda, u — Xalq banki uchun munosib moliyaviy sherik.

Bugun ikki bank o‘rtasida kredit shartnomasi imzolandi. Unga ko‘ra, “Sovkombank” Xalq bankiga o‘zbek milliy valyutasida 418,9 mlrd. so‘m miqdorida, ya’ni 40 mln. AQSH dollari ekvivalentida kredit ajratishi ko‘zda tutilgan.

Poytaxtimizda o‘tkazilayotgan “INNOPROM. O‘zbekistonda katta sanoat haftaligi” doirasida tashkil etilgan kredit shartnomasini imzolash marosimida “Sovkombank” Boshqaruvi raisi Dmitriy Gusev va Xalq banki Boshqaruvi Raisi Farhod Salamov ishtirok etdi.

Bank Axborot xizmati