Спорт – меҳнат унумдорлиги ва самарали фаолият гаровидир. Биз шу фикрдамиз. Сизчи?

Ҳар қандай ишбилармон киши сингари, ҳозирги кунда банк ходимлари  ҳам ҳаракатчан, спорт билан дўст, соғлом бўлмоғи лозим ва «Ипотека-банк» АТИБ ходимлари мисолида буни яққол кўриш мумкин, банкимизнинг деярли ҳар бир ходими ўз соғлиғига жиддий эътибор қаратади ва спортнинг бирорта тури билан доимий шуғулланиб келади. Банк раҳбарияти ўзларини мисолларида соғлом турмуш тарзини шакллантиришда жисмоний тарбия ва спортнинг муҳимлигини намойиш қилмоқда. 

Банк ходимлари ўртасида спортнинг кўплаб турлари оммавийлашган, хусусан, волейбол, мини-футбол, бадминтон каби спорт турлари шулар жумласидандир,  шунингдек, катта ва стол тенниси каби спорт турлари билан шуғулланадиганлар банкир-спортчилар ҳам талайгина. Банк Бош офиси ҳамда филиаллари орасида  спортнинг кўплаб турлари бўйича мунтазам равишда мусобақалар ўтказилиб турилади. 

Кези келганда айтиш керакки, футбол ҳам ўз ўрнида банкирларнинг энг севимли спорт тури ҳисобланади. Ипотека банк Бош офиси ходимлари ўртасида турли департаментларнинг жамоалари беллашган мини-футбол спорт тури бўйича навбатдаги ўйинлар бўлиб ўтди. 

Мини-футбол жамоаси аъзоларидан бири Ойбек Холдоровнинг сўзларига кўра, бундай турнирлар, шубҳасиз, ходимларни ўзаро жипслаштиради ва жисмоний ривожланишга алоҳида ҳисса қўшади. Турнирда иштирок этган барча жамоалар яхши натижаларни намойиш қилдилар