JET: Qimmat butik do'konlarda qalbaki brendlar sotilishi mumkinmi? Batafsil

«Standard&Poor’s»: bank tizimi ijobiy o‘sish namoyon etmoqda

09.06.2016


Mamlakatda olib borilayotgan samarali iqtisodiy siyosat va tarkibiy o‘zgarishlar, xususan bank tizimini izchil va aniq maqsad sari isloh qilish bank-moliya sektorini barqaror rivojlantirishning mustahkam poydevori bo‘lib qoldi.

O‘zbekiston Respublikasi Markaziy banki «Standard&Poor’s» xalqaro reyting agentligi bilan hamkorlikda O‘zbekiston tijorat banklarining xalqaro reyting olishi va qayta tasdiqlanishi masalalariga bag‘ishlangan navbatdagi yillik konferensiyani tashkil etdi.

Anjumanda tijorat banklari, kredit tashkilotlari bilan hamkorlik qiluvchi xalqaro va mahalliy auditorlik kompaniyalarining uch yuzdan oshiq rahbar va mas'ul xodimlari ishtirok etdi.

Ushbu tadbir mamlakatimiz Prezidentining 2015 yil 6 maydagi “Tijorat banklarining moliyaviy barqarorligini yanada oshirish va ularning resurs bazasini rivojlantirish chora-tadbirlari to‘g‘risida”gi qarorida belgilangan vazifalar ijrosini ta'minlash doirasida tashkil etildi.

Konferensiya davomida «Standard&Poor’s» tahlilchilari suveren kredit reytingini yuqori ko‘tarishning istiqbollari, xalqaro banklarning kreditlashdagi asosiy shartlari, shuningdek, bank tizimining iqtisodiy va sohaviy tavakkalchiliklarga ta'siri masalalariga bag‘ishlangan taqdimotlari namoyish etildi.
Bundan tashqari, ekspertlar bank tizimining O‘zbekiston iqtisodini rivojlantirishdagi ahamiyati xusuvsida o‘z baholarini bildirdilar va yalpi ichki mahsulotning yuqori o‘sish sur'atlari banklarning iqtisodiyotning real sektorini kreditlash hajmini oshirishi bilan bog‘liqligini qayd etdilar. 

Anjuman davomida ishlab chiqilgan xulosa va takliflar respublika bank tizimidagi islohotlarni yanada chuqurlashtirish va barqarorligini oshirish, tijorat banklarining faoliyatini yetakchi reyting agentliklarining standartlari va baholash ko‘rsatkichlari asosida baholash tizimini va yondashuvlarni takomillashtirishga yordam beradi va bank faoliyatini xalqaro tajribalarga mos ravishda tashkil etishga sharoit yaratadi.


Manba: www.cbu.uz


BRB
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi