«Трастбанк» коррупцияга қарши курашиш бўйича Ўзбекистонда банк тизимида биринчи бўлиб ИСО 37001 халқаро сертификатига эга бўлди

18.02.2022
  «Трастбанк» хусусий акциядорлик банки 1994 йилда ташкил этилган бўлиб, ўтган вақт мобайнида Ўзбекистондаги етакчи банклардан бирига айланди. Ушбу молия муассасасида барча турдаги банк маҳсулотлари ва хизматлари тақдим этилиб, филиаллар тармоғи кенгайтирилди. Мазкур жараёнда замонавий амалиёт ва халқаро стандартлар талаблари қўлланилмоқда. Бу эса мижозлар ва бизнес ҳамкорлар ишончини оқлашда муҳим аҳамият касб этмоқда.   Биламизки, коррупция энг долзарб муаммолардан саналади. У жиддий ижтимоий-сиёсий, маънавий-иқтисодий муаммоларни келтириб чиқаради ҳамда ташкилотлар фаолиятига салбий таъсир кўрсатиб, ривожланишга тўсқинлик қилади.   Шу жиҳатдан, «Трастбанк» ХАБда коррупцияга оид ҳуқуқбузарликларни ўз вақтида аниқлаш, уларга чек қўйиш, сабаб ва шарт-шароитларини бартараф этишга алоҳида эътибор қаратиб келмоқда.   Мазкур ишларнинг самараси ўлароқ «Трастбанк» ИСО 37001:2016 халқаро стандартига мувофиқлигини тасдиқловчи халқаро сертификатни қўлга киритди. Эътиборлиси, Ўзбекистонда банк тизимида биринчи бўлиб ушбу сертификатга эга бўлди. Бугун халқаро экспертлар томонидан Банк раҳбариятига мазкур сертификат топширилди.    ИСО 37001:2016 – ташкилотда коррупцияга қарши курашнинг самарали тизимини яратишнинг халқаро усулларини ўзида жамлаган, коррупцияга қарши мукаммал бошқарув тизимини йўлга қўйишга хизмат қиладиган халқаро стандартдир. У коррупцияга қарши бошқарув тизимини ишлаб чиқиш, жорий этиш, таҳлил қилиш ва такомиллаштириш учун талаб ва кўрсатмаларни белгилайди. Буни назорат қилиш ва мувофиқлаштириш учун Банкда коррупцияга қарши махсус хизмат ташкил этилган бўлиб, унда мутахассислар барча зарурий тайёргарликдан ўтган ва тегишли малакага эга.  Таъкидлаш жоизки, Банкда ИСО 37001 стандарти талабларини ҳаётга татбиқ этишдан мақсад – ходимларнинг ҳалоллигини ошириш, ҳуқуқбузарликларнинг олдини олиш, аҳолига банк хизматлари кўрсатишнинг шаффоф ва самарали тизимини яратишдан иборат. Зеро, «Трастбанк» – ишонч билан юзма-юз!
Trastbank 1994 yilda tashkil etilgan «Trastbank» aksiyadorlik birja banki O‘zbekiston Respublikasidagi eng etakchi banklaridan biri bo‘lib, u o‘z mijozlariga barcha turdagi keng ko‘lamli bank mahsulotlari va xizmatlarini ko‘rsatib kelmoqda.
Manba: Trastbank
O'xshash yangiliklar
Kapitalbank O'zbekiston HR hamjamiyatining yig'ilish joyiga aylanadi
Kapitalbank O'zbekiston HR hamjamiyatining yig'ilish joyiga aylanadi

Bank.uz asoschilari JET media-loyihasini ishga tushirdilar
Bank.uz asoschilari JET media-loyihasini ishga tushirdilar

Uzum Bank qo‘llab-quvvatlash xizmatining yangilangan Telegram-chatini ishga tushirdi
Uzum Bank qo‘llab-quvvatlash xizmatining yangilangan Telegram-chatini ishga tushirdi



Orphus tizimi