So‘nggi vaqtlarda mamlakatimizda koronavirus bilan bog‘liq epidemiologik vaziyat keskinlashib bormoqda. Oqibatda kasallanish ko‘rsatkichlari oshib, o‘lim holatlari qayd etilyapti.
Vaholanki, bu og‘ir va sinovli kunlardan kam talafot bilan chiqishning imkoni bor. Jahon sog‘liqni saqlash tashkiloti COVID-19ga qarshi eng to‘g‘ri yagona chora imkon qadar tezroq vaksina qabul qilish, ekanligini bot-bot takrorlayotir. Shunga qaramay, mamlakatimizda hozirga qadar to‘liq emlanganlar soni atigi 1 077 470 nafarni tashkil qilyapti.
Ayni sababdan hurmatli fuqarolarimiz va bankimiz mijozlariga murojaat qilib, vaksina olishni paysalga solmasliklarini, bu bilan o‘zlari va yaqinlarining salomatligini “ko‘rinmas xatar”dan munosib himoya qilishlarini eslatib o‘tmoqchimiz.
Xo‘sh, vaksina olish uchun qayerga murojaat qilish lozim? Qoraqalpog‘iston Respublikasi, viloyatlar va Toshkent shahrida aholini koronavirus infeksiyasiga qarshi emlash punktlari joylashuvi haqidagi ma’lumotlar bilan mana bu havola orqali (https://online.pubhtml5.com/fkya/snsm/) tanishishingiz mumkin.
Vaksina olish uchun qayerga murojaat qilishni bilasizmi?