Xalq banki 5-Osiyo Moliya forumida ishtirok etmoqda

23-sentabr kuni Filippin poytaxti Manila shahrida 5-Osiyo Moliya forumi o‘z ishini boshladi. 

Xorijiy moliya institutlarining  800dan ortiq vakillari ishtirok etayotgan forumda moliya sohasida xalqaro darajadagi mutaxassislar va tashkilotlar bilan panel muhokamalari, moliya sektorini rivojlantirishga qaratilgan tadbirlar hamda networking sessiyalari o'rin olgan.

Forum doirasida Xalq banki delegatsiyasi hamda Osiyo taraqqiyot banki rahbariyati bilan uchrashuv o‘tkazildi. 

Vitse-prezident Bhargav Dasgupta, bosh direktorlar Leah Gutierrez va Kristin Engstrom bilan bo‘lib o‘tgan muloqotda Xalq bankida so‘nggi yillarda amalga oshirilgan muvaffaqiyatli transformatsiya jarayonlari muhokama qilindi.

Jumladan, inkluziv banking biznes modeli, ayollar tadbirkorligini qo‘llab-quvvatlash tashabbuslari hamda barqaror rivojlanishga yo‘naltirilgan loyihalar alohida e’tirof etildi. 

Uchrashuv yakunida tomonlar o‘rtasidagi strategik hamkorlikni yanada rivojlantirish va istiqbolli rejalarni amalga oshirish yuzasidan kelishib olindi.