O'zbekistondagi banklarning qo'llab-quvvatlash xizmatlari reytingi Batafsil

Xalq banki: “BIZ SIZGA ISH BERAMIZ!”

21.05.2021

 Xalq banki hamisha bir qadam oldinda yurishga intilyapti. Aslida transformatsiya islohotlarining talabi ham shunday. Bu haqda so‘z ochganimizning esa sababi bor.

Gap shundaki, oliy o‘quv yurtini tamomlagach, qo‘liga diplomini olib, tashkilotma-tashkilot, idorama-idora ish izlab yurgan yoshlarni ko‘p ko‘rganmiz. Ammo bunday vaziyatda har doim ham ularning omadi chopavermasligi haqiqat. Chunki ish beruvchi — go‘yoki xaridor. Uyingiz eshigini taqillatib, ikki xalta molini yoygancha maqtay ketgan sotuvchidan odatda mahsulot xarid qilgimiz kelavermasligi rost. Bozoru savdo rastalarida esa tanlov imkoniyati keng.

Xuddi shunday, bugun Xalq banki salohiyatli yoshlar qachon jamoamizga kelib qo‘shilarkan, deya kutib o‘tirgani yo‘q. Aksincha, zarur kadrlarni o‘zi izlab topmoqda, saralayapti. Oliy o‘quv yurtlari esa —  bu borada boy va mustahkam baza.

Mana, bugun Jahon iqtisodiyoti va diplomatiya universitetida tashkil etilgan “Karyera kunlari”da Xalq banki yana hoziru nozir. Bu yerda bank Boshqaruvi mutaxassislari oliy o‘quv yurtini bitirayotgan talaba-yoshlarga moliya muassasasidagi mavjud bo‘sh ish o‘rinlari to‘g‘risida batafsil ma’lumot berishmoqda.

— Xalq banki haqida ko‘p narsani bilmas ekanman, — deydi tadbir ishtirokchisi, Jahon iqtisodiyoti va diplomatiya universitetining magistratura bosqichi bitiruvchisi Shahnoza Azimova. —  Bu yerda keyingi yillarda amalga oshirilayotgan yangilanishlar haqida ma’lumotlar bilan tanishib, shu muassasada ishlash orzusi paydo bo‘ldi. Chunki menga aynan ahil va hamjihat jamoa kerak. Bir yoqadan bosh chiqarib ezgu maqsad sari intiluvchi hamkasblarim bo‘lishini xohlayman. Qolaversa, bu yerda joriy qilingan “Bonus” tizimi mehnatga yarasha haq olish imkonini berarkan.

Mehnat yarmarkasi yakunida universitet bitiruvchilarini ish bilan ta’minlash bo‘yicha uch tomonlama shartnomalar imzolanishi rejalashtirilgan.

Bank Axborot xizmati

Xalq banki Bugungi kunda Xalq banki O'zbekiston bank tizimining muhim bo'g'ini hisoblanadi. Uning 197 ta hududiy va tuman (shahar) filiallari, 29 ta mini-bank va 3000 ga yaqin kassalar iqtisodiyotning real sektoriga – kichik biznes subyektlari va aholiga keng qamrovli bank xizmatlarini ko'rsatib kelmoqda. Xalq bankining asosiy vazifalaridan biri O'zbekistonning keksa fuqarolarini nafaqalar bilan o'z vaqtida ta'minlashdan iborat.
Manba: Xalq banki
O'xshash yangiliklar
Коррупцияга қарши комплаенс-назорат тизими фаолиятини такомиллаштиришга қаратилган семинар

23.08.2021

Коррупцияга қарши комплаенс-назорат тизими фаолиятини такомиллаштиришга қаратилган семинар

cbu.uz

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

20.08.2021

ЎЗБЕКИСТОН РЕСПУБЛИКАСИ МАРКАЗИЙ БАНКИ АХБОРОТИ

cbu.uz

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

20.08.2021

Марказий банк жойларда аёллар молиявий саводхонлигини ошириш бўйича тизимли тадбирларини давом эттирмоқда

cbu.uz



Orphus tizimi