Xalq banki Butunjahon Pul haftaligi (Global Money Week) doirasida “Moliyaviy savodxonlik tarafdoriman!” yutuqli tanlovini eʼlon qiladi

27.03.2021

Pul haqida qanday bilimlarga egasiz, mazkur tushuncha to‘g‘risida sizga nimalar maʼlum?

Xalq banki bu boradagi bilimingizni sinovdan o‘tkazish va qimmatbaho sovg‘alarni yutib olish uchun sizga  ajoyib imkoniyatni taqdim etadi!

Butunjahon Pul haftaligi (Global Money Week) doirasida aholining moliyaviy savodxonligini oshirishga bag‘ishlab o‘tkazilayotgan “Moliyaviy savodxonlik tarafdoriman!” yutuqli tanlovida ishtirok eting.

Tanlov qoidalari: 

1. Testda 20 ta savol qo‘yilgan bo‘lib, har bir savolga 4 tadan javob varianti berilgan. Ulardan faqat bittasi to‘g‘ri javob hisoblanadi;

2. Ishtirokchilar – tanlovda ixtiyoriy ishtirok etish xohishini bildirgan 18 yoshga to‘lgan O‘zbekiston Respublikasi fuqarolari;

3. Xalq banki xodimlari ushbu tanlovda qatnashishi taqiqlanadi.

Tanlov shartlari:

1. Tanlov bankning www.xb.uz eski rasmiy saytida o‘tkaziladi.

2. Ishtirokchilar bankning www.xb.uz eski rasmiy saytidan ro‘yxatdan o‘tishlari lozim.

3. Test o‘tkazish muddati – 2021-yil 31-mart kuni soat 12:00 dan – 13:00 gacha o‘tkaziladi.

4. Test savollarini yechish uchun 30 daqiqa vaqt ajratiladi.

G‘oliblarni aniqlash tartibi:

1. G‘oliblar 31-mart kuni soat 17:00 da aniqlanadi.

2. G‘oliblarni aniqlash bankning “Facebook” ijtimoiy tarmog‘idagi “Random” dasturi orqali onlayn rejimda amalga oshiriladi.

3. G‘oliblar to‘g‘risidagi maʼlumot bankning veb-sayti va ijtimoiy tarmoqlardagi rasmiy sahifalari orqali eʼlon qilinadi.

4. Bankning masʼul xodimi tanlov g‘oliblariga sms-xabarnoma yuboradi hamda ularga g‘olib bo‘lganligi haqida telefon orqali maʼlumot beradi.

Sovrinlar:

1-o‘rin – smartfon

2-o‘rin – Xalq banki logotipi tushirilgan VIP-to‘plam

3-o‘rin – Xalq banki logotipi tushirilgan CIP-to‘plam

Tanlovda ishtirok etishdan oldin ommaviy oferta shartnomasi bilan tanishib chiqing.

Tanlov reglamenti

Xalq Banki Xalq banki – O‘zbekistonning  birinchi banki bo'lib, moliya bozorida 1875-yil 10-maydan buyon faoliyat yuritib kelmoqda. Bankning 300 ga yaqin xizmat ko'rsatish shoxobchalari, 3000 dan ortiq bankomatlari mavjud bo'lib, ular geografik qamrovi bo'yicha mamlakat moliya bozorida yetakchi hisoblanadi. Moliya muassasasi O'zbekiston bo'ylab 10 millionga yaqin bank xizmatlari iste'molchilariga xizmat ko'rsatadi.
Manba: Xalq banki
O'xshash yangiliklar
Moody’s xalqaro reyting agentligi “Kapitalbank” reytingini tasdiqladi
Moody’s xalqaro reyting agentligi “Kapitalbank” reytingini tasdiqladi

Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi
Bank cho‘ntagingizda: Uzum Media bank ilovalaridan qanday qilib xavfsiz foydalanish haqida aytib berdi

“Birinchi” kredit kartasining limiti 100 million so‘mgacha oshirildi

01.04.2024

“Birinchi” kredit kartasining limiti 100 million so‘mgacha oshirildi

Uzsanoatqurulishbank



Orphus tizimi