Xalq banki kitobxonlik targ‘ibotiga kirishdi

Buyuk bobokalonimiz Amir Temurning ilmu ma’rifat haqida shunday o‘giti bor: yozilgan narsa avlodlar xotirasida qilingan ishdan ham uzoqroq yashaydi! Bu ko‘hna hikmat kitoblarning hayotimizdagi beqiyos o‘rniga bir dalil.
Aksiyadorlik tijorat Xalq banki sohibqiron tavalludining 685  yilligi keng nishonlangan kunlarda yana bir xayrli ishga qo‘l urdi. Moliya muassasasi departamentlari tomonidan “Xalq banki — kitobxonlik targ‘ibotchisi” aksiyasi doirasida umumta’lim maktablariga kitoblar to‘plamlarini tuhfa qilishga kirishildi.
Xususan, bugun poytaxtimizning Chilonzor tumanidagi 178-sonli davlat ixtisoslashtirilgan umumta’lim maktabi, 182-sonli umumiy o‘rta ta’lim maktabi  hamda Uchtepa tumanidagi 74-sonli umumiy o‘rta ta’lim maktabi ana  shunday sovg‘alarni qabul qilib oldi.
Moliyaviy muassasaning ma’naviyat targ‘ibotiga doir bunday ezgu tashabbusidan mamnunlik maktab o‘quvchilarining yuz-ko‘zlarida zohir bo‘ldi.  
Kitobxonlik aksiyasi davom etmoqda.

Bank Axborot xizmati