Xo‘jalik yurituvchi sub’yektlarga yana bir qulaylik!

Xorijiy valyutadagi amaliyotlarning tezkorligini ta’minlash maqsadida ATB “Qishloq qurilish bank” 2019 yil 1 iyuldan xo‘jalik yurituvchi sub’yektlarning xorijiy valyuta oldi-sotdisi bo‘yicha buyurtmanomalarining onlayn rejimida bajarilishini yo‘lga qo‘ydi.

             Endilikda mijozlar “bank-mijoz” dasturi orqali bank filiallariga kelmasdan, masofadan turib “onlayn konvertatsiya” amaliyotini bajarish imkoniyatiga ega bo‘ldilar. Xususan, xo‘jalik yurituvchi sub’yektlar xorijiy valyuta oldi-sotdisi bo‘yicha buyurtmanomalarni taqdim qilish, xorijiy hamkordan qaytarilgan yoki ishlatilmay qolgan valyuta mablag‘larini, shuningdek, o‘zining bo‘sh valyuta mablag‘larini milliy valyutamizga ayirboshlash uchun qisqa muddatda, ortiqcha vaqt sarflamasdan sotishlari mumkin.

Eng muhimi, mazkur yangi amaliyot mijozlarning xorijiy hamkorlari oldidagi majburiyatlari tezkor bajarilishiga, ularning vaqti tejalishiga va tadbirkorlik faoliyati jadal rivojlanishiga zamin yaratadi.

Bank axborot xizmati