JET: Qimmat butik do'konlarda qalbaki brendlar sotilishi mumkinmi? Batafsil

Янги таҳрирдаги “Тижорат банкларида корпоратив бошқарув тўғрисида”ги Низомга шарҳ

16.07.2020
           Самарали корпоратив бошқарув банк секторининг тўғри ишлашини таъминлашда муҳим рол ўйнайди. Банкларнинг барқарорлиги молиявий барқарорликнинг асоси ҳисобланади, шунинг учун банк фаолиятини ташкил этиш сифати иқтисодий фаровонликка эришишнинг муҳим омилидир.            Банкларда бошқарувни такомиллаштириш мақсадида Марказий банк томонидан янги таҳрирдаги “Тижорат банкларида корпоратив бошқарув тўғрисида”ги низом (2020 йил 30 июнь, рўйхат рақами 3254) қабул қилинган бўлиб, банк назоратига оид Базель қўмитасининг “Банкларда корпоратив бошқарувнинг тамойиллари” ва халқаро умумэътироф этилган нормалар асосида ишлаб чиқилган.            Ушбу Низом “Ўзбекистон Республикасининг Марказий банки тўғрисида”ги ва “Банклар ва банк фаолияти тўғрисида”ги қонунлар ҳамда Ўзбекистон Республикаси Президентининг 2020 йил 12 майдаги “2020-2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида”ги ПФ-5992-сонли Фармонига мувофиқ ишлаб чиқилди.            Унинг мақсади корпоратив бошқарувнинг илғор стандартларини жорий этиш орқали банкларда бошқарувни такомиллаштириш, банк бошқаруви органлари ҳисобдорлиги ва фаолиятининг шаффофлигини таъминлаш ҳамда бошқарувга оид қарорлар қабул қилиш самарадорлигини оширишдан иборат.            Унда шунингдек, банк бошқаруви органлари ваколат ва вазифалари, банкларда манфаатлар тўқнашувини олдини олишга доир кўриладиган чоралар, маълумотлар ошкоралиги ва очиқлигини таъминлаш, банкда ходимларнинг одоб-ахлоқ қоидалари ҳамда ноўрин хатти-ҳаракатлар ҳақида хабардор этиш тизимини жорий қилиш каби нормалар белгиланган.            Низомнинг янги таҳририда аввалгисидан фарқли равишда кузатув кенгаши шакллантирадиган аудит, таваккалчиликларни бошқариш ва мукофотлаш қўмиталарининг вазифалари ҳамда ушбу қўмиталарнинг банк бошқарувида тутган ўрни батафсил ёритиб ўтилган. Бу эса ўз навбатида, тижорат банки бошқарув органлари ўртасида жавобгарликнинг шаффоф соҳаларини белгилашга хизмат қилади.            Таъкидлаш жоизки, Низом меҳнатга ҳақ тўлаш, манфаатлар тўқнашувининг олдини олишга доир чоралар ва ноўрин хатти-ҳаракатлар ҳақида хабар қилиш тизимларини қамраб олган. Булар банкнинг ижроия органи аъзолари ва ходимларнинг масъулиятини ошириш ҳамда ўз ишига садоқат билан ёндашган ҳолда, фаолият юритишига қаратилган.            “Тижорат банкларида корпоратив бошқарув тўғрисида”ги низом 2020 йил 1 октябрдан кучга киради
Manba: cbu.uz
O'xshash yangiliklar
“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi
Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi



Orphus tizimi