“Yil tanlovi – 2019” tanlovida bank e’tirof etildi

O‘zbekiston Milliy Axborot agentligi tomonidan bir qator tashkilotlar bilan hamkorlikda “Yil tanlovi-2019” tanlovi e’lon qilingan edi. 2020 yil 17 yanvar kuni mazkur tanlovning yakuniy natijalari e’lon qilindi va sovrindorlarni taqdirlash marosimi bo‘lib o‘tdi.

Ta’kidlash lozimki, tanlov doirasida keng jamoatchilik, jurnalistlar va blogerlar orasida o‘tkazilgan on-layn so‘rovnomalarni 1 mln.ga yaqin internet foydalanuvchilari kuzatib bordi va jami 300 mingdan ortiq ovoz berildi.Ijtimoiy tarmoqlarda eng ko‘p ovoz to‘plagan ishtirokchilar orasidan 50 nafar jurnalist va blogerlarga yuborilgan so‘rovnoma asosida g‘oliblar aniqlandi. Shu tariqa, mamlakatimiz rivojiga munosib hissa qo‘shayotgan davlat va xo‘jalik boshqaruvi organlari, jamoat tashkilotlari vakillarihamda fidoiy yurtdoshlarimiz qator nominatsiyalar bo‘yicha g‘olib deb topildi.

E’tiborlisi, ATB “Qishloq qurilish bank” “2019 yilda ommaviy axborot vositalari bilan eng faol ishlagan bank tizimi” nominatsiyasida g‘olib deb topildi va tashkilotchilar tomonidan taqdirlandi.

Bu e’tirof bank jamoasining ko‘psonli jurnalistlar, blogerlar va keng jamoatchilik bilan birgalikdagi faoliyati samarasi, deb hisoblaymiz.

Bank axborot xizmati