JET: Kartadan kartaga 200 million so'mni komissiyasiz o'tkazish mumkinmi? Batafsil

Yosh tadbirkorlarni moliyaviy qoʼllab-quvvatlash masalalariga bag'ishlangan matbuot anjumani oʼtkazildi

21.04.2021

21.04.2021 Joriy yilning 21 aprel kuni Milliy matbuot markazida “Mikrokreditbank” aksiyadorlik tijorat banki tomonidan yosh tadbirkorlarni moliyaviy qoʼllab-quvvatlash borasida olib borilayotgan ishlar va kelgusidagi rejalar” mavzusidagi matbuot anjumani oʼtkazildi. Ushbu tadbirni “Mikrokreditbank” АTB Boshqaruv Raisi oʼrinbosari Kamoliddin Аtaev ochib, bank tomonidan “Yoshlarni qoʼllab-quvvatlash va aholi salomatligini mustahkamlash yili” Davlat dasturi doirasida bank tomonidan yoshlar bandligini taʼminlash yuzasidan olib borilayotgan ishlar yuzasidan maʼlumot berdi. Jumladan, Mikrokreditbank АTB tomonidan oilaviy tadbirkorlikni rivojlantirish uchun 2021 yilda jami 2,5 trln. soʼm (oʼtgan yilda 1,4 trln. soʼm), shu jumladan yoshlar bandligini taʼminlashga 1,4 trln. soʼm kredit ajratish boʼyicha hududlar kesimida oyma-oy reja grafiklar ishlab chiqildi. Ushbu reja-grafikka asosan oʼtgan davrda oilaviy tadbirkorlik uchun 745,6 mlrd. soʼmlik kreditlar evaziga 30 mingga yaqin aholini bandligi taʼminlandi. Bu oʼtgan yil shu davriga nisbatan 613,5 mlrd. soʼm yoki 6 barobarga koʼp demakdir. Yoshlar tadbirkorligi uchun yanvar-aprel oylari davomida rejadagi 386,4 mlrd. soʼm oʼrniga 480,2 mlrd. soʼm (124%) imtiyozli kreditlar ajratilib, 18 448 nafar yoshlarning bandligi taʼminlandi. Misol uchun: Sayxunobod tumanidagi yakka tartibdagi tadbirkor “Jamoliddinov Ibratjon Erkin oʼgʼli”ning sport va sogʼlomlashtirish markazini tashkil etish loyihasiga 200 mln. soʼm imtiyozli kredit ajratish hisobiga 10 nafar yoshlar bandligi taʼminlandi. Yuqorida qayd etilgan yoshlar uchun ajratilgan 480,2 mlrd. soʼm imtiyozli kreditlarning 174 mlrd. soʼmi “Yoshlar daftari”ga kiritilgan 6 860 nafar yoshlarni qoʼllab-quvvatlashga yoʼnaltirildi. Tiklanish va taraqqiyot jamgʼarmasidan mart oyida ajratilgan 150 mlrd. soʼm mablagʼlar hisobidan esa 3 hafta muddat ichida maxsus sertifikatga ega 6 170 nafar yoshlarga 183,3 mlrd. soʼmlik imtiyozli kreditlar ajratildi. Natijada jami 17 134 nafar ishsiz yoshlarning 638 nafari – ishlab chiqarish, 1 822 nafari – xizmat koʼrsatish, 4 593 nafari – tikuvchilik, 2 672 nafari – chorvachilik, 2 935 nafari – issiqxona, 4 474 nafari boshqa yoʼnalishlarda oʼz loyihalarini yoʼlga qoʼyish va doimiy daromad manbasini yaratish imkoniyatiga ega boʼldilar. Bundan tashqari, “Yoshlar kelajagimiz” jamgʼarmasi mablagʼlari hisobidan 29 ta loyihaga 12,9 mlrd. soʼm imtiyozli kreditlar ajratilib, 135 nafar yoshlar ish bilan taʼminlandi. Soʼzni Chakana biznesni rivojlantirish departamenti direktori Qobiljon Komilov davom ettirdi hamda bugungi kunda respublika hududlarida ishsiz yoshlar bilan uchrashib, “Аgentlik” shartnomasi asosida bankka ishga jalb qilinayotgani xususida maʼlumot berdi. Hozirda “Bank agentlari” oʼzlari istiqomat qiladigan mahallalarga biriktirilib, tadbirkorlik qilish istagida boʼlgan yoshlarni bankka jalb qilmoqda. Bundan tashqari, bank strukturasida yoshlarga oid dasturlar boʼyicha Rais oʼrinbosari, tegishli tarkibiy boʼlinma hamda har bir viloyat mintaqaviy filiallarida boshqaruvchi oʼrinbosari (yoshlar boʼyicha) lavozimlari joriy etildi. Mikrokreditlash mexanizmi samaradorligini oshirish maqsadida, bank tomonidan aniq hisob-kitoblarga asoslangan 60 ta yoʼnalish boʼyicha tayyor biznes-reja loyihalari ishlab chiqilib, kitob shakliga keltirilgan holda joylarga yetkazib berildi. Markaziy bank bilan hamkorlikda mijozlarning davlat dasturlari doirasida shaffof va adolatli kredit olishi, taʼminotchilar oʼz mahsulotlarini sotishi mumkin boʼlgan Yagona elektron platforma ishga tushirildi. Ushbu platformada yoshlar tadbirkorligiga ajratilayotgan imtiyozli kreditlar uchun onlayn ariza yuborish, foydali maʼlumotlar olish, taʼminotchi topish va biznes reja tanlash kabi imkoniyatlar yaratildi. Аdliya vazirligi huzuridagi Davlat xizmatlari agentligi va Davlat soliq qoʼmitasi bilan birgalikda yagona platforma integratsiyasini amalga oshirish orqali yoshlarga oʼz biznesini yoʼlga qoʼyishda “yagona darcha” tamoyili asosida xizmat koʼrsatish ikki oy muddat ichida yoʼlga qoʼyiladi. Matbuot anjumani davomida “Mikrokreditbank” АTB masʼul xodimlari jurnalistlar tomonidan berilgan barcha savollarga javob berishdi. Bank axborot xizmati

MKBank “Mikrokreditbank” aksiyadorlik-tijorat banki Oʼzbekiston Respublikasi Prezidentining 2006-yil 5-maydagi “Mikrokreditbank” aksiyadorlik-tijorat bankini tashkil etish toʼgʼrisida”gi PF-3750-sonli Farmoni asosida tashkil etildi.Bank xalqaro moliyaviy institutlar hamda chet el tijorat banklari bilan hamkorlik aloqalarini oʼrnatgan.

Manba: Mikrokreditbank

O'xshash yangiliklar

04.07.2024

“Fitch Ratings” xalqaro reyting agentligi “Kapitalbank”ga “Barqaror” prognoz bilan “B” darajadagi reytingini berdi

02.07.2024

“S&P Global Ratings” xalqaro agentligi "Kapitalbank" reytingini “B”dan “B+”ga ko‘tardi.

Uzum Bank Markswebb versiyasi bo‘yicha banklar va to‘lov servislari ilovalari orasida birinchi o‘rinni egalladi

Bank mahsulotlari Omonatlar8 Kreditlar14 Kartalar7 Ipotekalar3

Yosh tadbirkorlarni moliyaviy qoʼllab-quvvatlash masalalariga bag'ishlangan matbuot anjumani oʼtkazildi

Bank.uz dagi barcha mahsulotlar

Omonatlar

Kreditlar

Avto kredit

Mikroqarz

Ipoteka

Kartalar

Sug'urta

Tashkilotlar

Filial va bankomatlar

Valyutalar kursi

Boshqalar

Bank.uz ilovasini o'rnatish