Yuridik shaxslar uchun depozit sertifikatlari muomalaga chiqarildi

"Qishloq qurilish bank" ATB tomonidan yuridik shaxslar uchun mo’ljallangan 59,1 mlrd. so’mlik depozit sertifikatlari muomalaga chiqarilganligini ma’lum qiladi.

Depozit sertifikatlari bo’yicha asosiy shartlar: 

 -    sertifikatlar blankalar tarzida hujjatli shaklda chiqariladi; 

 -    sertifikatni tovarlar oldi-sotdisi yoki ko’rsatilgan hizmatlar (ishlar) uchun hisob-kitob qilishda to’lov vositasi sifatida qo’llash mumkin emas; 

 -    sertifikatlarning oldi-sotdisi va ular bo’yicha summalarni to’lashga doir pullik hisob-kitoblar naqdsiz shaklda amalga oshiriladi;

-    sertifikatlarning qiymati O’zbekiston Respublikasining milliy valyutasida ifodalanadi; 

-    sertifikatlar 335 kundan 1095 kungacha bulgan muddatga chiqariladi:

-    sertifikatlar quyidagi muddatlarga va foizlarda chiqarilgan: 

335 kunga (18,0%), 

365 kunga (19,0%),          

730 kunga (19,5%) 

va 1095 kunga (20,0%)

-    nominal qiymati 500 000 000,0 (besh yuz million) so’m  va 1 000 000 000,0 (bir milliard) so’m bo’lgan;

-    muddatidan oldin so’ndirilgan taqdirda yillik 1,2% stavkasi miqdorida kam daromad to’lab beriladi.

Batafsil ma'lumot olish uchun bankning Qimmatli qog’ozlar bilan ishlash bo’limiga murojaat etishingiz mumkin.