Ўзбекистон Республикаси Марказий банки Мустақилликнинг 30 йиллиги ҳамда Халқлар дўстлиги куни мавзуларига бағишланган эсдалик тангалари ва сувенир тўпламлари дизайнларига танлов эълон қилади

01.03.2021

Таклифлар жорий йилнинг 1 апрелигача қабул қилинади. Танлов қуйидаги шартлар ва баҳолаш асосида ўтказилади: - дизайн «Мустақилликнинг 30 йиллиги» (эришилган ютуқлар ва бошқалар ифодаланган бўлиши) ёки «Халқлар дўстлиги» мавзуларидан бирини қамраб олган бўлиши; - дизайн муаллиф томонидан чизилган бўлиши ва бошқа ижодкорларнинг аввалги ишларини қайтармаслиги; - дизайн танга ёки сувенир тўпламларнинг аверс (олд томони) ва реверс (орқа томони) кўринишларидан иборат бўлиши; - дизайн доира ичига қаламда чизиб (А4 форматда) ёки компьютер графикасидан (CorelDraw, PhotoShop ва Illustrator дастурлари) фойдаланиб тайёрланиши ва тасвирланган ҳар бир элемент аниқ кўриниши лозим. Ишлаб чиқилган дизайнлар муаллифнинг аниқ исми, фамилияси, адреси, телефон рақами ва электрон почта манзилини кўрсатган ҳолда b.rakhmatkhujaev@cbu.uz электрон почта манзилига юборилиши ёки Ўзбекистон Республикаси Марказий банкига (100001, Тошкент ш., Ислом Каримов кўчаси, 6) тақдим этилиши сўралади. Тақдим этилган дизайнлар Марказий банкнинг ишчи гуруҳи (рассом, дизайнер ва бошқалар) томонидан кўриб чиқилади ва танлов якуни бўйича қарор қабул қилинади. Танлов ғолиблари жорий йилнинг 15 апрель куни маълум қилинади ҳамда уларга ноутбук (Apple Macbook Pro), планшет (Apple iPad Pro), смартфон (Apple iPhone 12 Pro) ва бошқа қимматбаҳо совринлар ажратилади. Ғолибларга совринларни топшириш индивидуал тарзда амалга оширилади. Танлов ҳақида қўшимча маълумот олиш учун (71) 232-12-59 ва (71) 236-76-45 рақамлари орқали мурожаат қилишингиз мумкин.

Manba: cbu.uz

O'xshash yangiliklar

13.05.2026

Central Asian Fintech Association (CAFA) Toshkent shahrida bo‘lib o‘tadigan menejerlar va IT yetakchilari uchun eng muhim tadbirlardan biri — Manager’s Conference 2026 tadbirining hamkori va ishtirokchisi sifatida qatnashadi

05.05.2026

Janubiy Koreyadan pul o‘tkazmalari yanada qulaylashdi: Octobank HUMO kartalariga E9PAY uladi

24.04.2026

Qashqadaryo: ANORBANK 150 nafar maktab o‘quvchilari uchun moliyaviy savodxonlik darslarini o‘tkazdi

Bank.uz dagi barcha mahsulotlar

Omonatlar

Kreditlar

Avtokredit

Mikroqarz

Ipoteka

Kartalar

Biznes

Sug'urta

Tashkilotlar

Filial va bankomatlar

Valyutalar kursi

Boshqalar

Bank.uz ilovasini o'rnatish