Жисмоний шахсларга кредит тўловлари бўйича берилган имтиёзларига қўшимча

«Трастбанк» хусусий акциядорлик банки республикамизда короновирус инфекцияси тарқалишига қарши курашиш даврида аҳолини молиявий қўллаб-қувватлаш мақсадида қуйидагиларни маълум қилади.

• Жисмоний шахсларга ажратилган истеъмол, ипотека кредитлар ва микроқарзларнинг (кредитлар) асосий қарзи бўйича жорий йилнинг апрель, май ва июнь ойларидаги тўловлар шартнома бўйича якуний муддатларидан кейинги 3 ойга ўтказилиши учун имконият берилади.

Шунингдек, жисмоний шахсларнинг асосий қарзи бўйича жорий йилнинг март ойида муддатида тўланмаган қарзлари мавжуд бўлган тақдирда, ушбу қарздорлик бўйича тўлов шартнома бўйича якуний муддатидан кейинги 4-ойга ўтказилади.

Бунда, шартнома муддати март, апрель ва май ойларида якунланадиган кредитларнинг асосий қарзи бўйича тўловлари июль ойидан бошланади.

Мазкур имкониятдан фойдаланиш учун иловага мувофиқ электрон ариза беришингиз ёки телефон орқали сизга хизмат кўрсатувчи Трастбанк филиалига мурожаат этишингиз лозим бўлади.

• Кредитларнинг фоизлари бўйича тўловлар муддати узайтирилмайди. Шу билан бирга, март, апрель, май ва июнь ойларида муддати ўтган қарздорлик учун оширилган фоизлар ва пенялар (штрафлар) ҳисобланмайди ҳамда ундирув чоралари кўрилмайди.
  
  
• Кредит олган мижозлар зиммаларига, короновирус инфекцияси тарқалишига қарши курашиш даври якунланганидан сўнг бир ойлик муддат ичида кредит ҳужжатларига муддатини узайтиришдан келиб чиқадиган ўзгаришларни амалдаги қонун ҳужжатларига мувофиқ расмийлаштириш мажбурияти юкланади. Акс ҳолда, кредит тўлови бўйича юқорида келтирилган ўзгартиришлар бекор қилинади ва дастлабки кредит шартнома шартлари кучга киритилади.