31.05.2021
Yaqinda Surxondaryo viloyati “Mikrokreditbank” rahbari yoshlar uchun tashkillashtirilgan oʼquv kurslarida oʼqib kelgan yoshlarni serifikatlariga qoʼl qoʼymasdan, sarson qilib kelayotgani haqidagi maʼlumotlar “Feysbuk” ijtimoiy tarmogʼi orqali tarqaldi.
Ushbu holat bank mutaxassislari tomonidan nazoratga olinib, oʼrganib chiqildi. Unga koʼra yoshlar uchun tashkillashtirilgan nodavlat taʼlim tashkilotlarining maxsus oʼquv kurslarida oʼqib kelgan yoshlar “Yoshlar platformasi” orqali tekshirilib platformada mavjud 400ga yaqin yoshlarning sertifikatlari imzolanib, tuman tadbirkorlikka koʼmaklashish markazlariga yetkazildi.
Tadbirkorlik istagini bildirgan hamda maxsus sertifikatga ega yoshlar, kredit olish uchun kerakli hujjatlarni bankka toʼliq taqdim qilganda biznes gʼoyalari oʼrnatilgan tartibda moliyalashtirilishini maʼlum qilamiz.
Shuni taʼkidlash lozimki, joriy yilning oʼtgan davrida 394 mingga yaqin surxondaryolik yoshlarga 118 mlrd soʼmlik imtiyozli kreditlar ajratilgan boʼlsa, ularning orasida maxsus sertifikatga ega 2700 nafar yosha 81 mlrd soʼmlik mablagʼlar ajratilgan.
Bank axborot xizmati.
MKBank
“Mikrokreditbank” aksiyadorlik-tijorat banki Oʼzbekiston Respublikasi Prezidentining 2006-yil 5-maydagi “Mikrokreditbank” aksiyadorlik-tijorat bankini tashkil etish toʼgʼrisida”gi PF-3750-sonli Farmoni asosida tashkil etildi.Bank xalqaro moliyaviy institutlar hamda chet el tijorat banklari bilan hamkorlik aloqalarini oʼrnatgan.
Surxondaryoda 2700 nafar yoshga 81 mlrd soʼmlik kreditlar ajratilgan